«أنت دخلت في ضميره».. شوبير يعلق على تصرف أفشة بعد إلغاء هدف الزمالك في الأهلي

هاجم الإعلامي أحمد شوبير حارس مرمى الأهلي ومنتخب مصر السابق، من يهاجمون نجم الأهلي محمد مجدي أفشة بسبب عدم احتفاله بإلغاء هدف الزمالك في مرمى الأهلي خلال مباراة السوبر.
وقل أحمد شوبير في تصريحات إذاعية اليوم الثلاثاء: «إمبارح لقيت هيصة حوالين أفشة جايبين لقطة من المدرجات اللاعيبة اللي كانوا خارج الاسكور من ضمنهم أفشة وحسين الشحات وإمام عاشور ولما اتلغى هدف الزمالك حسين وإمام فرحوا وأفشة فضل قاعد زي ما هو».
وأوضح شوبير: «يا أخي كل واحد له انطباعاته، أنا مثلا لما بقعد اتفرج على ماتش للأهلي أو منتخب مصر لما ييجي جون مش بقوم وانفعل إلا لو حاجة في أخر ثانية مثلا، ولما الحكم يصفر افرح واتنطط براحتي».
وتابع شوبير: «لكت لقيت بيقول لك أفشة زعلان إن الجون اتلغى، يا أخي هو أنت دخلت في ضميره مش هو ده أفشة اللي ما شاء الله ربنا يكرمه جاب أجون كثيرة وعمل أهداف كثيرة ونهائي القرن والقاضية ممكن يا أخي ما تقف جنب اللاعيب وتسانده ما هو برضه اللاعيب ده أفنى وأعطى للفريق بدل ما نقول له يا أخي متشكرين».
وأضاف شوبير: «ومن أسبوعين كانوا بيقولوا الكلام ده برضه على بن شرقي ويقول لك يمشي وهما نفس الناس اللي كانوا بيقول بن قلبي ومش عارف أيه، هو أنت عارف جوه أفشة أيه أكيد أهلاوي وأكيد بيتمنى فرقته تكسب بس أكيد برضه عايز يلعب ويشارك عشان هو لاعيب، يا جماعة عيب الكلام ده».