أسما شريف منير: الحجاب مش قيد.. الحجاب أمان وستر وكرامة

نشرت الإعلامية اسما شريف منير لجمهورها ومتابعيها، رسالة تحدثت عن رؤيتها لمعنى الحجاب ودوره في حماية وصون المرأة، مؤكدة أنه ليس قيدًا كما يراه البعض، بل تكريم وأمان من الله.
وكتبت اسما شريف منير عبر «انستجرام»: «شوفت بعيني جوزي وهو بيحس إنه لازم يحميني، بيتقلب قلبه لو راجل بصلي بنظرة مش كويسة، بيحس إنه لازم يصد عني أي أذى، وكبرت وأنا بسمع أبويا بيحكيلي إزاي أصون جسمي، إزاي كأب ممكن يضحي بنفسه علشان يحافظ عليا».
وتابعت: «طب لو دي مشاعر جوزي وأبويا… أمال ربنا، اللي خلقني وبيحبني أضعافهم كلهم، هيعمل إيه علشان يحميني من شياطين الإنس والجن؟ ربنا ببساطة قاللي: غطي نفسك، مش علشان يخنقني ولا يضيق عليا، بالعكس… علشان يكرّمني، يصون قلبي قبل جسمي، ويحميني من نظرات ممكن تجرحني أو تكسّرني».
وأضافت اسما: «الحجاب مش قيد، الحجاب أمان، الحجاب مش منع، الحجاب ستر وكرامة، هو ده حب ربنا… حب بيحميني من اللي مش شايفين قيمتي».
View this post on Instagram
A post shared by Asma cherif moneer- اسما شريف منير (@asma.sherif.moneer)