بعد ارتدائها الحجاب.. أسما شريف منير: «قربي من ربنا أغلى من أي حاجة تانية»

حرصت أسما شريف منير على مشاركة متابعيها جانبًا من رحلتها في التقرب إلى الله، وذلك بعد اتخاذها خطوة ارتداء الحجاب، مشيرة إلى أنها أحيانًا تشعر بالحنين لبعض التفاصيل الصغيرة التي اعتادت عليها لكنها تجد أن شعور القرب من الله أعمق وأجمل.
وكتبت أسما عبر حسابها الرسمي على موقع تبادل الصور والفيديوهات «إنستجرام»:«اكتشفت إن ساعات أكبر مكسب في حياتي بييجي من الحاجات اللي بسيبها، واللي كنت فاكرة إني مش هقدر أعيش من غيرها».
وأضافت: «في لحظة صدق مع نفسي قررت أبعد عن كل حاجة بتبعدني عن ربنا، يمكن الموضوع بدأ بخطوة صغيرة زي أظافري، بقالي 9 سنين بعملهم جِل وبحبهم جدًا، لكن قصرتهم وشلت كل حاجة حسيت إني بقرب من ربنا مع كل خطوة بترك فيها حاجة مش صح».
وتابعت :«مع الوقت فهمت إن ربنا عمره ما بيطلب مني أسيب شيء إلا وهو مجهزلي ما هو أجمل، كل مرة بسيب حاجة لله بيرجعلي أضعافها في راحة وبركة وحاجات ما كنتش أتخيل إنها ممكن تكون ليا».
View this post on Instagram
A post shared by Asma cherif moneer- اسما شريف منير (@asma.sherif.moneer)