أسما شريف منير لجمهورها في أحدث ظهور لها بالحجاب: «الأمل فعل.. والضُي إحنا»

خطفت الفنانة والإعلامية أسما شريف منير الأنظار بأحدث ظهور لها بالحجاب حيث شاركت متابعيها رسالة مؤثرة عن الأمل ودوره في مواجهة الصعاب، مؤكدة أنه النور الذي يقودنا في أوقات العتمة.
وقالت «أسما »عبر حسابها الرسمي على «إنستجرام»: «أنا مؤمنة إن مفيش أهم من الأمل، الأمل هو اللي ينور لنا الطريق وقت العتمة، يمكن يتأخر أو يتلخبط شوية، بس عمره ما بيروح، هو اللي بيخلينا نقوم بعد كل مرة نقع فيها، واللي بيخلي حلمنا يفضل عايش جوانا مهما كانت الظروف صعبة».
وتابعت: «ده بالظبط اللي أنا شايفاه في دوري ودور مجتمع عالم تاني: إننا نحافظ على النور ده ونشاركه مع بعض».
وأضافت: «إحنا مش مجرد مكان أو ورش، إحنا عيلة من فنانين مؤمنين إن الفن رسالة.. رسالة بتقول: إنت مش لوحدك، صوتك مسموع، ولسه في نور قدامك حتى لو الطريق طويل، علشان كده أي عمل فني فيه أمل وضُي مش رفاهية، هو حاجة محتاجينها عشان نكمّل، وفي الآخر الأمل فعل، والضُي إحنا».
View this post on Instagram
A post shared by Asma cherif moneer - اسما شريف منير (@asma.sherif.moneer)