«حاقد وكاره عشان قال كلمة حق».. هجوم ناري من أحمد حسن ضد منتقدي حسام غالي

دافع أحمد حسن نجم الكرة المصرية السابق، عن زميله في منتخب مصر السابق حسام غالي عضو مجلس إدارة الأهلي، بسبب الهجوم الذي يتعرض له في أعقاب تصريحاته الأخيرة بشأن انتخابات الأهلي.
وقال أحمد حسن في تصريح تليفزيوني عبر برنامجه المذاع على شاشة «دي إم سي»: أنا بحب حسام غالي جدا على المستوى الشخصي لانه راجل واضح وانا بحب كده، مش هتكلم دفاعاً عنه ولا حاجه، ولا هقول التوقيت صح ولا غلط ولا كان ممكن قبل كده ولا بعد كده لا ده مش موضوعي وهو حر».
وأضاف: «مفيش حد يقدر يشكك في حسام غالي إنه رجل صاحب مواقف.. أنا بتكلم على حاجه ثانيه لازم يكون عندنا ثقافه الاختلاف، ليه خلال 24 ساعه اللجان الإلكترونية ضد حسام غالي وتهيج الناس على حسام غالي ويقولك أصل التوقيت غلط».
وتابع الصقر: «حسام غالي لو اتكلم قبل الانتخابات علطول هيقولك شوف اتكلم امتى ولو اتكلم بعد هيقولك بيضرب في اللي جاي .. إية المشكلة أنه يتكلم ولازم يبقى في تقبل في اختلاف وجهات النظر».
وأكمل: «الجمهور كان بيطلق على حسام غالي الكبيتانو وليه بنضيع مسيرة لاعب وتاريخه علشان وجهه نظر قالها، اللي يقولك ده حاقد وده كاره ونمحي تاريخ اللاعب واللي عمله علشان مختلف معانا في وجهه نظر».
وواصل أحمد حسن: «أتمنى يبقى في تقبل لوجهات النظر والاختلاف.. شئ يحزن لما يبقوا ولاد النادي وبيقولوا كلمة حق وكلمة الحق الأيام دي بقت بتزعل .. لما حد يخطأ نقول أنه أخطأ مش نمحي تاريخه، لازم نحافظ على حسام غالي والناس صاحبة الموقف».