أحمد سعد يكشف عن أغنية كانت سببا في تغيير حياته (تفاصيل)

كشف الفنان أحمد سعد عن رؤيته لأسباب نجاحه الفني خلال السنوات الأخيرة، مؤكدًا أن الفضل الأول يعود إلى توفيق الله تعالى، ثم إلى اجتهاده المستمر.
وقال «سعد» خلال حلوله ضيفًا على برنامج «معكم منى الشاذلي»، مساء أمس الخميس، المذاع عبر شاشة «ON» مع الإعلامية منى الشاذلي: «في ناس لما بتوصل بتحب تنسب كل الفضل لنفسها، لكن الحقيقة أن الفضل لله سبحانه وتعالى في التوفيق لأن التوفيق متقدرش تصنعه، الإنسان يجب أن يجتهد ويقدّم أقصى ما لديه، لكن توقيت النجاح يظل بيد الله وحده».
وأضاف: «أنا بقالي 15 سنة بشتغل بنفس القوة والجودة، بس التوقيت بتاع النجاح مش بإيدي.. والحمد لله ربنا بفضله شاور عليا في الفترة دي».
و أوضح «سعد» أن أغنية «سايرينا» شكلت نقطة تحول مهمة في مسيرته الفنية، إذ خرج من خلالها من إطار الأداء التقليدي الذي اعتاد عليه إلى أسلوب جديد أكثر مرونة.
وأردف: «الأغنية دي من أولى الأغاني اللي حصل لي فيها التطور في حياتي، أنا طول عمري كنت بغني بشكل معين مرتبط بالطرب، لحد لما جتني أغنية سايرينا من صديقي الملحن إيهاب عبدالواحد، وكلمات منة عدلي القيعي، حسيت إن في حاجة مختلفة».
وأشار «سعد»: «رحت أسجلها بطريقتي، بقالي سنين بغني بنفس الأسلوب وبنفس القوة، لكن إيهاب قالي لأ، لازم أقولك تغني إزاي، في البداية حسيت إن في شدّ بيننا، وهو قالي إعمل اللي انت عايزه، لكن لما سمعت نفسي، في اللحظة دي اتغيرت حياتي والله العظيم.. بصيت للأغنية وقولت طب ما أنا هو أنا، ليه متسمعش صوت من براك يخليك تغني بشكل مختلف، فقلت له امسح كل اللي غنيته ده وقولي أغني ازاي».