الحاج متولى رمضان 2010

تمام مثل موديلات السيارات والتى تتغير كل سنه والأصل واحد، مثلا بيجو 2000 وبيجو 2005 ومرسيدس 2001 ومرسيدس 2009، وكمان المسلسلات الرمضانية هى كمان موديلات زى موديلات السيارات، والمسلسل اللى بقصده هو المسلسل الشهير مسلسل "الحاج متولى" رمضان سنة كام مش فاكر، والآن حان أن نشاهد مسلسل "الحاج متولى" رمضان 2010، عذرا أقصد مسلسل «زهرة وأزواجها الخمسة» وبدلا من الحاج متولى وزوجاته الأربعة خرجت "زهرة" (غادة عبد الرازق) من جلباب زوجها الحاج متولى لتتزوج فى رمضان 2010 خمسة أزواج، وبالحداقة كده حتتجوز حاج غنى عينه زايغة (حسن يوسف) متجوز إتنين واحدة شامية وواحدة مصرية، وطبعا حيموت الحاج أو يتشل ويقعد فى البيت لتدير زوجته الجديدة "زهرة" أعمال زوجها الراحل أو القعيد فى البيت، والمهم تستمر الحلقات 30 يوم بأى طريقة، والأهم هو المسلسل بطل كل المسلسلات هو الحاج متولى موديل رمضان 2011 واللى حنشوف فيه "الحاج مبارك وفتراته السته" وأكيد رقابة التليفزيون حتجيزه للعرض بدون رقابه وأكيد حتشيد بيه عميانى.....عجبى!