محمد سامي يتراجع عن الاعتزال بعد 6 شهور: «رد كليتي» سيكون الأهم في مسيرتي

أعلن المخرج محمد سامي عودته عن قرار اعتزاله الإخراج التليفزيوني، والذي اتخذه مارس الماضي، بعدما قدم مسلسلي «سيد الناس» بطولة النجم عمرو سعد، و«إش إش» بطولة الفنانة مي عمر، موضحًا أنه يكتب سيناريو لعمل جديد لم يتناوله أي عمل فني من قبل قائلا: «سيكون بأمر الله الأهم في مسيرتي الفنية والأعلى مشاهدة وجدل حكاية جديدة».
وكتب «سامي» عبر حسابه الرسمي على «فيسبوك»: «(رد كليتي) للمخرج محمد سامي بسم الله، يكتب مسلسل جديد، سيكون بأمر الله الأهم في مسيرتي الفنية والأعلى مشاهدة وجدل حكاية جديدة لم يتم تناولها من قبل في أي عمل فني سواء عالمي أو محلي، هصور إمتي ومين الأبطال وهينزل إمتى!!، كل ده معرفهوش لسة، اللي أعرفه أنه سيكون أرقي وأميز أعمالي وسيكون عملا يحترمه ويقدره كل بيت عربي، ادعوا لي».
وأضاف: «يخلص بنفس القوة اللي بدأ معايا بيها اللي مفرحني في العمل ده، إلى كنت بحاول ألاقي معادلة صعبة جدا بالنسبالى وهي إزاي العمل الجماهيري النهارده بمتطلبات السوق يكون فني بحث زي أعمال كتير اتقدمت زمان من أساتذتنا».
وتابع محمد سامي عن عودته للإخراج التليفزيوني وكسر قرار اعتزاله: «إزاي أقدر أخد موضوع يهم المجتمع قوة الجذب اللي اعتادها الجمهور العربي مني وماتبقاش مشاهداته محدودة أو نخبوي مع احترامي لمحبي الأعمال النخبوية وإزاي أغير تماما عن كل حاجة قدمتها وأعمل بنصيحة الأستاذ طارق الشناوي وهي التغيير قبل تشبع الجمهور والحمد لله لقيت ده في مشروعي الجديد الله الموفق ويكمل إن شاء الله على خير».
قرار صادم ورسالة مؤثرة.. محمد سامي يعلن اعتزال الدراما التليفزيونية
كان المخرج محمد سامي أعلن اعتزاله الإخراج التليفزيوني، مارس الماضي، حيث نشر منشورًا على صفحته الرسمية على «فيسبوك»، عنونه ب«وداعا الدراما التلفزيونية»، موضحًا أن «سيد الناس» و«إش إش» هما آخر أعماله الدرامية في التليفزيون.
وقال، في نص منشوره: «السنة دي كانت آخر أعمالي التلفزيونية، واللي فيها بودع المسلسلات، رحلة طويلة حولي 15 سنة، قدمت فيهم كل اللي قدرت عليه لإسعاد الجمهور العربي، وحققت بفضل ربنا نجاحات مع نجوم كتير ومع شركات وقنوات كلها مهمة، وكان دايما الجمهور بيشجعني، سواء بردود الأفعال أو بتصويته ليا في الجوائز».
وتابع سامي بقوله: «أي نجاح حققته كان بفضل ربنا والجمهور، يمكن المقربين ليا عارفين إني واخد القرار ده من فترة وهو اعتزال الإخراج التلفزيوني، ولكن كنت بنتهي من التزامات موقعة مع شركات ونجوم والحمد لله انتهيت منها وكان آخرها 2025».
وواصل: «معنديش حاجة أكتر أقدر أقدمها في التلفزيون، وخايف من تشبع الجمهور من أسلوبي، ومن الوقوع في فخ التكرار ودائرة المتوقع والملل، والوحيد القادر على الدوام هو الله وحده».
واستكمل: «الحمد لله، آخر عملين ليا (إش إش) و(سيد الناس) حققوا نجاح أنا سعيد بيه، كل يوم بلدي العظيمة مصر بتطلع صناع جداد موهوبين ومثقفين ويقدروا يقدموا أفضل من اللي قبلهم، وهنفضل طول الوقت بنقدم أعمال مصرية يلتف حولها الجمهور العربي».
وأضاف: «بشكر كل حد ساعدني في الرحلة وبشكر كل زميل منافسته كانت دافع للتميز، بعتذر عن أي مشهد قدمته أثناء الرحلة ولم يلقَ استحسان الجمهور أو إعجابهم، في الآخر الفنان دايما بيجرب والفنون جنون زي ما بيقولوا».
ودعا «سامي» الجمهورة للدعاء له بالتوفيق، وقال: «ادعوا لي الفترة الجاية عندي سفر خارج مصر لمدة عامين، بتعلم فيهم حاجة جديدة بدرسها، حاجة كان نفسي أتعلمها من زمان وأجلتها كتير لحد ما لقيت نفسي بكبر وخايف يفوت العمر قبل ما أعمل حاجة نفسي فيها، مقتنع إن الشخص يقدر في أي وقت يقرر يوقف حاجة بيحبها علشان يعمل حاجة تانية بيحبها برضه، وعايز يجربها بس محتاج عيلة تسانده على اتخاذ قراره».
واختتم: «كل التوفيق لكل زمايلي، وبحبكم وبشكركم على سنين المنافسة الجميلة اللي عملت أسمائنا كلنا وأتمنى لنفسي التوفيق في الخطوة الجديدة».