«هنندم ومش قادر أتكلم».. مترجم كولر ينصح الأهلي ببيع وسام أبوعلي فورًا

نصح خالد الجوادي، مترجم السويسري مارسيل كولر المدير الفني السابق للنادي الأهلي إدارة النادي ببيع وسام أبوعلي مهاجم الفريق الأول لكرة القدم بالنادي الأهلي فورًا خلال الفترة الجارية.
ولا تزال الأزمة مستمرة بين إدارة الأهلي والمهاجم الفلسطيني بسبب رغبته الكبيرة في الرحيل خلال فترة الانتقالات الصيفية الجارية رغم معارضة النادي.
وتلقي وسام أبوعلي عدة عروض قوية خلال الفترة الحالية، بعد تألقه ببطولة كأس العالم للأندية التي أقيمت في أمريكا 2025.
وكتب خالد الجوادي عبر حسابه على فيس بوك: «بوست من اللي بيزعل ويجيب لي صداع بس بصراحة حبي للأهلي وجمهوره اللي بنتمي له من اكتر من 43 سنة مش قادر اسكت».
وتابع: «مصلحة النادي بالعقل من الاول خالص بيع اللاعب، والكلام بتاع يقعد غصب عنه وابقى خسرت 6 مليون دولار على الأقل وخسرت كمان فنيا دا كلام عنتري ومضر لي أكتر ما ينفعني، ايه المنطق؟ منطق البعض اه اخسر 6 مليون دولار (أكبر مبلغ في تاريخ الأهلي غالبا) وأخسر فنيا عشان محدش يلوي دراعي، أنا آسف دا شغل عيال بتتخانق مش إدارة محترفة».
وأضاف: «يجيب يا عم 10 مليون ويمشي، مين اللي حدد القيمة دي؟انتوا جريتوا انا أسف وراء لجان قعدت تردد أرقام لا تمت للواقع بأي صلة، دا 6 أصلا كتير والناس بره عارفة كده كويس هم مش هبل عشان كده ما جاش غير 3 عروض فقط في الدايرة دي، أي حد في مجال تسويق اللاعيبة والاسكاوتنج عارف الكلام ده كويس أوى».