أول رد رسمي من الأهلي بشأن أزمة أشرف بن شرقي

علق عماد النحاس، المدرب العام ل فريق الكرة بالنادي الأهلي، عن مزاعم وجود أزمة بين لاعب الفريق أشرف بن شرقي، والمدير الفني خوسيه ريبيرو.
وقال النحاس في تصريح تليفزيوني عبر شاشة قناة «الأهلي»: «أشرف بن شرقي كان مضايق أنه مش هيبدأ أساسي في مباراة إنتر ميامي، ولكن لم يبدي أي رد فعل خارج المألوف، وفي النهاية دي وجهة نظر المدرب».
وأضاف مدرب الأهلي: «مفيش لعيب مش هيلعب وهيبقى مبسوط وخاصة إنه كل الماتشات اللي فاتت بن شرقي بيلعب بشكل أساسي على مدار ال6 مباريات الماضية».
وتابع: «أشرف من اللعيبة المهمة بالنسبالنا، وأتمرن بعد المباراة بشكل كويس، ومش طبيعي كل شوية هنطلع نرد على التساؤلات، واللعيبة في أفضل حالتهم مع بعض».
واختتم النحاس تصريحاته قائلًا: «كل اللعيبة جاهزة، وكل اللعيبة بتتمرن بشكل كويس جدًا، ومفيش لعيب في التمرين بيظهرلك إنه مش عايز يبقى موجود».