تامر حسني: «السوشيال ميديا خلت الناس تبعد عن ربنا ونسيوا إنهم من طين» (فيديو)

تحدث الفنان تامر حسني، عن السوشيال ميديا وعلاقته بها، وتأثيرها في الأخرين وعلاقتها بجعل الأفراد يبتعدون عن الروحانيات، والتفكير في مستقبلهم.
وقال تامر حسني على هامش عرض فيلمه «ريستارت» في تصريحاته مع قناة «العربية» عن السوشيال ميديا وعلاقته بها: «الإنتر نت والسوشيال ميديا خدوا حياتنا كلها، وناس كثير أصبحوا يتحروا وراء تعليقات من أشخاص لا يعرفونهم، وكثيرون أصبح لا وقت للروحانيات، ولا لمراجعة النفس، أو تفكير الشخص مع ذاته، أو الحديث مع الله».
ونشر تامر حسني اللقاء عبر حسابه ب«انستجرام»، وعلق عليه قائلًا: «معلش كلمتين في قلبي مهمين هما اللي خلوني أتكلم كده في الڤيديو ده.. الإنترنت والسوشيال ميديا خدوا كل أوقات حياتنا وخلونا محنيين وباصين تحت في تليفوناتنا وما شابه ومبقاش في وقت إننا نبص فوق لربنا ونقوي روحنا بالفضفضة معاه لا الفضفضة بقت وأنت باصص تحت في التليفون والآي باد واللاب توب والكمبيوتر شوف شغلك عادي وهزر والعب بس متنساش الأهم إنك مخلوق من طين وروح».
View this post on Instagram
A post shared by Tamer Hosny (@tamerhosny)
وتابع: «وزي ما الجسم غذاؤه المياه والأكل روحك غذاؤها اللجوء لربنا والنظر له والكلام معاه في صلاتك أو في ذكرك ودعائك وكمان محتاجين وقت للتفكير في المستقبل وإزاي نكبر صح ونتدرج في نجاحنا بشكل منطقي سليم بجد بقينا مدمنين سوشيال ميديا وتليفونات وشكلنا بقى غريب والخطر ده طالنا وطال ولادنا لازم فعلًا وقفة مع النفس وإعادة تفكير من جديد في علاقتنا بالإنترنت».
تفاصيل فيلم «ريستارت»
قصة فيلم ريستارت تدور حول محمد مهندس يعمل فني هواتف بسيط، يحلم بالزواج من عفاف، مؤثرة صغيرة على السوشيال ميديا، لكن عندما يقف المال عائقًا في طريقهما، يتعاونان مع عائلتهما الكوميدية بحثا عن الشهرة عبر الإنترنت.
وبمساعدة «الجوكر»، وكيل رقمي مريب، يحققان نجاحًا كبيرًا، لكن مع تدفق الشهرة والثروة، تفقد العائلة القيم والمبادئ التي كانت تجمعها.