«صحاب الليل».. هند عبدالحليم وعبدالرحمن رشدي يطرحان أغنية جديدة عبر «يوتيوب» (فيديو)

طرح المطرب عبدالرحمن رشدي، بمشاركة الفنانة هند عبدالحليم، في أول تجربة غنائية للاخيرة، أغنية بعنوان «صحاب الليل» عبر موقع «يوتيوب» وعدد من المنصات الإلكترونية، ومحطات الراديو.
أغنية «صحاب الليل» من كلمات مصطفى ناصر، وألحان عبدالرحمن رشدى، وتوزيع موسيقى ماهر الملاخ، ومن إخراج بيشوى يسى.
تدور فكرة الأغنية في إطار درامى بسيط، وتحكى عن عشاق السهر في الليل، والتأمل في سكونه وهمساته، والشكوى من الوحدة والتفكير في الماضى.
وأعرب الفنان عبدالرحمن رشدى عن سعادته بمشاركة الفنانة هند عبدالحليم في غناء الأغنية، وكشف أنه التقى بها منذ عامين، وأعجب بصوتها جدا، ونشأت بينهما صداقة قوية، واتفقا على تنفيذ أغنية تجمعهما، وأثناء التحضير لأغنية «صحاب الليل» مع الموزع الموسيقى ماهر الملاخ، عرض عبدالرحمن عليه فكرة مشاركة صوت نسائى فيها، ورحب الملاخ بالفكرة، وبالفعل تم الاتصال بهند وسمعت الأغنية فأعجبتها، وفى اليوم التالى تم التسجيل بالفعل، وبعد أيام شارك عبدالرحمن وهند في تصوير الأغنية بأحد الاستديوهات..
كلمات أغنية «صحاب الليل»:
واهو كل يوم.. قلبي وحيد مش جايلو نوم
حبينا اكتر من اللزوم
واتسبنا فجأة في ليل شتاء.. والحزن أتقل من الهدوم
مفهاش جديد.. أقرب ما ليك عنك بعيد
مكتوب يا قلبي الخوف يزيد
بتعيش عشانهم وفى أخر هيعيشوا وإنت تعيش وحيد
كان فيه ياما ناس هنا حوالينا.. بقوا بس دموع جوه عنينا
وبقينا صحاب الليل
والليل مالوش أصحاب
والقلب هايفضل وحداني.. خوف يخلص يبدأ خوف تاني
عايشين بالقسمه
متاخدين في الدنيا غياب
كان فيه ياما ناس هنا حوالينا.. بقوا بس دموع جوه عنينا
وبقينا صحاب الليل
والليل مالوش أصحاب
والقلب هايفضل وحداني.. خوف يخلص يبدأ خوف تاني
عايشين بالقسمه
متاخدين في الدنيا غياب
وانا ليا مين.. غير ليل طويل بيفوت حزين
سهرانه وسط السهرانين
واهو كل يوم بنقول لروحنا بكره نبقى كويسين
وادي بكره فات
ومجاش وراه غير السكات.. تقلت علينا الذكريات
عايشين نفكر في القديم
واللي بنصبح فيه نبات
كان فيه ياما ناس هنا حوالينا.. بقوا بس دموع جوه عنينا
وبقينا صحاب الليل
والليل مالوش أصحاب
والقلب هايفضل وحداني.. خوف يخلص يبدأ خوف تاني
عايشين بالقسمه
متاخدين في الدنيا غياب