«هيقسموا البلد نصين».. عمرو أديب منتقدا قرار الرابطة: وصلوا الدرع للأهلي

علق الإعلامي عمرو أديب، على بيان رابطة الأندية المصرية أمس الأحد، بشأن تخفيف العقوبات الموقعة على النادي الأهلي، بعد انسحابه من مباراة القمة 130 أمام الزمالك في بطولة الدوري المصري الممتاز.
وكتب عمرو أديب عبر حسابه على منصة «إكس»: «طب هيعملوها إزاي، نفسى أعرف هيقسموا البلد نصين ازاي هيعرفوا يرضوا جميع الاطراف ازاي هو العدل والقانون فيه قسمة على اتنين فيه شيلنى واشيلك فيه معلش استحمل شويه علشان أخوك».
أضاف: «يا جماعه المسألة ابسط من كده كتير وصلوا الدرع والكاس والكوباية والقزازة للأهلى وخلاص مش لازم تعب قلب وفلوس وفرق وزيزو وجمهور، هيحصل أيه في الدنيا واستخدموا الفلوس في المستشفيات والمدارس وبيب بيب أهلى ومحدش يضايق الكيان ولا إبراهيم وحسام والأهلى ينسحب أو يحضر مش فارقه المهم محدش يدوسلوا على طرف وأهبل اللي يفتكر إنه فيه عدالة ومعتوه اللى يفتكر إنه فيه أمل».
وكانت رابطة الأندية المصرية أصدرت بيانًا رسميًا جديدًا أمس الأحد، أعلنت فيه تراجعها عن خصم 3 نقاط من الأهلي في نهاية الموسم بخلاف نقاط الانسحاب أمام الزمالك، بعد شكوى النادي الأهلي.
طالع البيان: عقوبات القمة.. رابطة الأندية تتراجع رسميًا عن خصم نقاط إضافية من الأهلي