سيدة أمام محكمة الأسرة: «جوزى حِنيْن على كل الستات إلا أنا»

أقامت سيدة ثلاثينية أمام محكمة الأسرة دعوى طلاق للضرر ضد زوجها، بعد عامين من الزواج، وقالت في صحيفة دعواها إن الخلافات مع زوجها وصلت لطريق مسدود ما تسبب في استحالة العشرة بينهما.
وتابعت المدعية أمام محكمة الأسرة:«خلال فترة الخطوبة، طلب منى التفرغ ووافقت على طلبه، وبعد زواجنا كان يخلص شغله ويجي يقضي بقيت اليوم معايا وكنت راضية بكده، ولكن مع الوقت بدأ يتاخر بحجة إنه بيشتغل وقت إضافي وكنت بقعد معاه بصعوبة».
وأقرأ أيضا: «عاوز منهم نصايح».. سيدة أمام محكمة الأسرة: «بيحكي أمور زوجية حساسة لأصحابه»
سيدة أمام محكمة الأسرة: «والدتى قالتلى بعد الزواج هيكون ليكى»
وأمام محكمة الأسرة استكملت المدعية سرد تفاصيل طلبها للطلاق وقالت: «اتكلمت معاه كتير عشان يهتم بيا، ولكن هو كان بيحاول يراضيني بكلمتين وخلاص، ومفيش حاجة من اللي بتضايقني منه بتتغير، ومع الوقت بدأت أحس إني تقيلة على قلبه، ومعاملته معايا بقت جافة، ومبقاش طايق لي كلمة ولا بيحترم غيرتي عليه، وحسيت إني ما بقتش مهمة في حياته».
سيدة أمام محكمة الأسرة: «كنت بقعد معاه بصعوبة»
وأقرأ أيضا: «خونتيني مع ابن خالتك».. سيدة عشرينية أمام محكمة الأسرة: «زوجي رافض يعترف بنسب ابنه»
وأنهت تفاصيل دعواها: «جوزى مهتم بشغله اكتر منى، ولما كنت أتعب ما يهتمش بيا ولا يجي معايا للدكتور، ولما زميله من اللي معاه في الشغل ترن عليه وهو معايا في البيت، كان يسبني وينزل يروح لها، ويقولي مالهاش حد وعندها مشكلة لازم نقف معاها، فتعبت نفسيًا من تصرفاته، وإنه حِنيْن على كل الستات إللي في حياته اللى أنا!».