«اللي بيحصل عيب».. بسمة وهبة تعلق على أزمة أحمد حلمي بعد الهجوم عليه (فيديو)

علقت الإعلامية بسمة وهبة على الهجوم الحاد الذي تعرض له الفنان احمد حلمي خلال الأيام القليلة الماضية، وذلك بعد ظهوره في الرياض بعد عرض مسرحيته «بني آدم»، ومازح خلال العرض الملحن مصطفى جاد واعتبر البعض مزاحه إساءة للمصريين.
وقالت بسمة وهبة خلال لايف عبر حسابها بموقع التواصل الاجتماعى «انستجرام»،: «ليه مبنتمناش لبعض الخير وليه سوء النية ليه النفسنة من الفنانين اللي بتسافر الرياض وحاقدين عليهم ليه، موضوع أحمد ممكن نعتبره زلة لسان».
وأضافت: «وعيب ميصحش اللي بيحصل صعبان عليكم الناس دي تتهنى وكأن مش من حق الفنانين يتهنوا أو بلد تكرمهم المفروض نكون مبسوطين إن الفنان المصري بيتكرم في بلد عربي ورافع راسنا ومشرفنا».
تابعت: «هل خزائن ربنا بتنفد يعني؟ هل لما ياخدوا هما فلوس انت مش هيفضلك حاجة؟.. ربنا رزقه واسع وكبير.. وعيب لأن دول فنانين ليهم اعتبارهم ولازم نعملهم حساب في كلامنا اننا دولتين متحابين وبينا كل خير بلاش نمشي زي القطيع، والفنان اللي بيروح الرياض بيعمل شغله ويرجع انت حاقد عليه ليه سيبوا الناس تقلب رزقها».