«الأهلي خيره عليك وشوف شوبير».. رسائل نارية من إبراهيم سعيد ل أسامة حسني

هاجم إبراهيم سعيد، نجم الأهلي السابق، أسامة حسني، مهاجم الفريق الأول لكرة القدم بالقلعة الحمراء السابق، وذلك بسبب ما بدر منه تجاه أحمد ثابت المحلل الرياضي، عبر قناة الأهلي.
كان أحمد ثابت، قال خلال الاستديو التحليلي الخاص بمباراة الأهلي وفاركو في الدوري المصري، عبر قناة «الأهلي» إن الأحمر يحتاج على الأقل ل 5 صفقات، لتدعيم قوام الفريق، خلال فترة الانتقالات الشتوية الجارية.
ولم يكمل ثابت حديثه، إذ قاطعه أسامة حسني ووجه سؤالا لعادل عبدالرحمن لاعب الأحمر السابق، حول حاجة الفريق من الصفقات، وما هي المراكز التي تحتاج للدعم.
وقال إبراهيم سعيد، في تصريحات تلفزيونية عبر فضائية «النهار»: «مصر كلها شايفة إن الأهلي محتاج صفقات، هو لو حد اتكلم إن الأهلي محتاج صفقات يبقى كدة أجرم؟ هو دلوقتي أحمد ثابت، لما اتكلم عن الصفقات ده غلط؟».
وأضاف: «مع احترامي لأسامة حسني، إنت أخويا الصغير بس إنت في كيان كبير اسمه الأهلي، اللي بيحب الأهلي لما يشوف حاجة غلط يقولها، لأن ده واضح للناس كلها».
وتابع: «مش عيب ياكابتن أسامة، يتقال في البرنامج بتاعك إن الأهلي محتاج صفقات، بالعكس دي هتكبرك، ما الكابتن شوبير، بيطلع يتكلم لما يبقى في حاجة غلط بيطلع يقول، لأن النادي الأهلي خيره على الكل فلما تشوف حاجة غلط لازم تقول مادام بتتكلم باحترام».