«يحرم علينا اجتماعه».. سيد عبدالحفيظ يفتح النار على أكرم توفيق

علق سيد عبدالحفيظ، مدير الكرة السابق بالنادي الأهلي، على تمسك أكرم توفيق لاعب الفريق الأول لكرة القدم بالقلعة الحمراء بمطالب ماديه معينة للتجديد، واقترابه من الرحيل إلى الدوري القطري.
وقال سيد عبدالحفيظ في تصريحات خلال برنامج «الكورة مع فايق» على «إم بي سي مصر 2»: «معرفش التفاصيل والمفاوضات ماشية ازاي بس من الواضح أن هناك اختلاف وفوارق، وأنا عندي مثل شعبي بل أنا شايف أنه مثل كروي وهو من حبنا حبناه وصار متاعنا متاعه ومن كرهنا كرهناه يحرم علينا اجتماعه».
وأضاف: «كل واحد في الدنيا بيختار طريقة، أنت عاوز 20 وأنا إمكانياتي 10، أنت مقدر نفسك صح تمام مفيش مشكلة، ولكن أنا كنادي عندي أمور تانية وحسابات تانية».
وتابع: «لو أكرم توفيق شايف العرض القطري هيكون فرصة كويسة له، تمام مفيش مشكلة.. والأهلي مش هيقفل فروعه يعني بسبب رحيل أكرم».
وأتم: «الموقف نفسه حصل كتير قبل كده، وهيحصل بعد كده، ولكن يجب على النادي الأهلي إنه يعمل فرقه كويسة ويكون متاح له بدلاء كتير، علشان محدش يجي يتفرد عليك. والكنز الحقيق في النادي الأهلي هو قطاع الناشئين».