«كنت بقوله قوم من جنبي».. الحضري: الشناوي كان بيتعلم مني

كشف عصام الحضري حارس مرمى منتخب مصر السابق ومدرب حراس مرمى منتخب مصر الأسبق أيضًا الكثير من الكواليس التي جمعته مع حارس مرمى منتخب مصر والنادي الأهلي محمد الشناوي حينما كانا معا في صفوف منتخب مصر.
وقال عصام الحضري في تصريحات تليفزيونية: «الميزة اللي عند عصام الحضري وموجودة عند محمد الشناوي برضه وبرفع له القبعة بسببها إن الشناوي فيه حاجات كثيرة خدها مني».
وتابع عصام الحضري: «اكتشفت ده لما كان بييجي الشناوي يقعد جنبي، وإحنا في المنتخب أنا مكنتش بحب حد ييجي يقعد جنبي من الحراس، بقولها بصراحة مش عشان حاجة ولكن عشان كل واحد يقعد براحته».
وأوضح الحضري: «الشناوي كان يجيب الكرسي وييجي يقعد جنبي أقول له قوم يا بني من جنبي يقول لي لأ هقعد جنبك أكل حاجة ياكل زيي أخش الجيم أعمل تمارين يخش يعمل زيي فأنا عرفت إنه هيبقى حاجة كويسة عشان حارس عايز يتعلم».
وأضاف شوبير: «حتى الإعلام لما كان ينتقد محمد الشناوي مكانش يرد ويركز في شغله فكان يرجع بعد كده أقوى من الأول».