فركش .. مي عمر تُعلن انتهاء تصوير مسلسلها «إش إش» وتوجه رسالة لصناعه (تفاصيل)

أعلنت الفنانة مي عمر عن انتهاء تصوير مسلسلها «إش إش»، الذي من المقرر عرضه في موسم رمضان 2025.
انتهاء تصوير مسلسل «إش إش»
وكتبت مي عمر، عبر حسابها الرسمي بموقع «انستجرام»:«الحمد لله رب العالمين فركش مسلسل إش إش،حقيقي مش قادرة أوصف إحساسي وأنا بودّع الشخصية اللي عشت معاها رحلة فيها كل حاجة من ضحك وبكاء وقلق وفرح، حبيت كل لحظة قضيتها وأنا بجسدها، وحاسة إن جزء مني هيفضل معاها دايمًا، وهيوحشني كل تفصيلة فيها بجد».
و أضافت :«شكرًا من قلبي لكل حد شاركني الرحلة دي، من الممثلين اللي كانوا أحلا عيله وأحلا صحاب. بجد، كنا عيلة واحدة، نضحك سوا، نتعب سوا، وندعم بعض طول الوقت. شكرًا لكل واحد فيكم، على كل لحظة ضحكنا فيها، وكل موقف وقفنا فيه جنب بعض. وجودكم خلّى التجربة دي ممتعة، وخلاني أحس إني فعلًا محظوظة بالشغل مع ناس زيكم. مش هنسى الذكريات الحلوة دي أبدًا، وهيوحشني كل حد فيكم».
View this post on Instagram
A post shared by Mai Omar (@maiomar_)
وتابعت: «شكرا لكل فرد من فريق العمل اللي اشتغل بإخلاص عشان يطلع العمل ده بأحسن شكل. فريق العمل في إش إش كان سر نجاح كواليس التجربة دي. كل حد في الفريق، من أول التقنيين لحد الإنتاج، كان بيشتغل من قلبه عشان يطلع العمل بأحسن شكل. بجد، ما حسيتش إني لوحدي لحظة، كلنا كنا إيد واحدة ودايمًا بنسند بعض.شكر كبير لكل واحد فيكم، على تعبكم وإخلاصكم وعلى كل لحظة قدمتوا فيها دعمكم وحبكم».
واستكملت: «محمد سامي، شكرًا ليك على صبرك وعلى نظرتك اللي كانت دايمًا بتشوف التفاصيل اللي ما حدش غيرك كان ممكن يلاحظها. شكرا إنك بتعرف ازاي تخرج مننا أفضل ما عندنا وعلى إبداعك وتوجيهك في كل مشهد. شكرًا إنك كنت قائد حقيقي لينا وخلّيت إش إش يبقى تجربة ما تتنسيش».
و اختتمت: «مستنية بفارغ الصبر تشوفوا إش إش وأتمنى توصل ليكم مشاعرنا بنفس القوة اللي حسيناها. شكرًا لكل واحد كان جزء من الحلم ده! وبوعد الجمهور إن شاء الله هيتفرجوا على مسلسل متعوب على كل شوط فيه، مسلسل إش إش بإذن الله هيكون مسلسل بيحترم ذوق الجمهور».
صناع مسلسل «إش إش»
يُذكر أن مسلسل «إش إش»، بطولة مي عمر، ماجد المصري، هالة صدقي، إدوارد، إنتصار، دينا، شيماء سيف،علاء مرسي ومن تأليف وإخراج محمد سامي.
اقرأ أيضًا
أول تعليق من ماجد المصري عن «خناقة محمد سامي في كواليس إش إش» (خاص)