ميدو: «محمد صلاح عايش للكورة.. وعمر مرموش مصدر إلهام للشباب» فيديو

علق أحمد حسام ميدو، نجم نادي الزمالك السابق، على قرار حسام حسن المدير الفني لمنتخب مصر، بإراحة النجم الدولي محمد صلاح لاعب ليفربول الإنجليزي من معسكر نوفمبر الجاري.
ومن المقرر أن يخوض منتخب مصر مباراتين وديتين أمام كاب فيردي وبتوسوانا في يومي 15 و19 نوفمبر الجاري، في إطار جولتي الخامسة والسادسة من تصفيات أمم إفريقيا 2024.
وقال ميدو في تصريحات تليفزيونية عبر شاشة «أون تايم سبورتس»، «قرار العميد بإراحة محمد صلاح عظيم، لأن كل اللاعيبة بتاخد راحة من المباريات الودية، وشوفنا أوديحارد لاعب أرسنال طلب الرحيل من معسكر النرويج وقال إنه تعبان ولسه خارج من إصابة».
وأضاف: «قرار ذكي من حسام حسن، محمد صلاح بقى عنده 32 سنة، فلازم أنت كمنتخب مصر تحميه وتبقى عايز أنه يكمل لأطول فترة ممكنة».
وأكمل ميدو: «ممكن حسام حسن كمان يبقى فكر أنه عايز يدي فرصة للعيبة تانية، ومحمد صلاح محافظ على نفسه وعايش للكورة، وطول ما هو بيشتغل وبيظهر بالمستوى ده هيفضل قاعد في التجديد أو الرحيل وهو حاطط رجل على رجل».
وأشار إلى أن محمد صلاح في موقف حلو أوي، الناس كلها طلباك وأنت بتختار براحتك وعندك كذا أوبشن، وكلنا فرحانين بيه.
وبالحديث عن تألق عمر مرموش لاعب آينتراخت فرانكفورت، قال ميدو: «مرموش عظيم وفخور بيه ربنا يحفظه، ويستحق عشان هو تعب أوي وسافر ولعيب مع فريق الشباب بس في البداية وكان ممنوع يتمرن في الفريق الأول».
وأردف: «وراح دوري الدرجة الثانية، وبعدين رجع تاني أثبت نفسه، ثم راح فرانكفورت ودلوقتي أندية أوروبا كلها بتتهافت عليه، وهو مصدر إلهام دلوقتي للشباب ولازم يتعلموا منه».