100 مليون للتجديد.. ميدو: زيزو لاعب ذكي لهذا السبب

يرى أحمد حسام ميدو نجم الزمالك السابق، أن أحمد سيد «زيزو» لاعب الفريق الكروي، سيصل إلى اتفاق مع النادي الأبيض خلال الفترة المقلبلة.
وقال ميدو في تصريحات تلفزيونية: «أنا رأيي أنه زيزو والزمالك هيوصلوا لاتفاق خلال الفترة القادمة، أه الكل عارف أنه زيزو جايله أرقام من باره والطببيعي أنه يحاول يقرب من الأرقام دي، وده ذكاء في التفاوض».
وأضاف:«والمشهد اللي أنا شايفه أن زيزو والزمالك هيوصلوا إلى اتفاق، وأكيد الفلوس اللي زيادة مش لأزم تكون في العقد اللي هيكون في اتحاد الكرة».
وكان إبراهيم عبدالجواد قد كشف في تصريحات تلفزيونية، أن زيزو يرغب في الحصول على 100 مليون جنيه من أجل تجديد تعاقده مع نادي الزمالك.
وواصل:«زيزو لاعب عند حاجات كتير خارج الملعب تقدر من خلالها تجيب منها فلوس وتسوقه بيها وده ممكن يكون ضمن الاتفاق».
وأستكمل:«زيزو عايز يقعد في الزمالك وهو حاسس ومقدر المكانة اللي هو فيها في الزمالك بفضل جمهور النادي العظيم، وده مش هيلاقيه في أي مكان تاني».
وأتم حديثه: «زيزو ذكي ووالده بيعرف يخطط له كويس، وأنا شايف أن المناوشات اللي بيتحصل دي طبيعي لأنه أخر سنة في عقد أي لاعب بنشوف كده وأكتر».