«بيشوف حاجات غريبة في مصر».. تعليق ناري من هاني سعيد على تصريحات يورتشيتش

علق هاني سعيد، المدير الرياضي لنادي بيراميدز على تصريحات الكرواتي كرونسلاف يورتشيتش، المدير الفني للفريق الأول لكرة القدم بالنادي السماوي عقب الخسارة أمام الزمالك.
وتعرض بيراميدز للخسارة أمام الزمالك بنتيجة 5 – 4 بركلات الترجيح، بعد انتهاء الوقت الأصلي للمباراة بالتعادل الإيجابي 1- 1. وقال يورتشيتش، في تصريحات خلال المؤتمر الصحفي عقب المباراة: «الكرة المصرية مش أهلي وزمالك، لكن فيها فرق تانية تستحق التواجد».
وقال هاني سعيد، في تصريحات عبر فضائية «أبوظبي الرياضية»: «يورتشيتش، بيعبر عن حاجات حاسسها من أول ما جه لتدريب بيراميدز، من ساعة ما جه هو حاسس إن في حاجات مش مظبوطة».
وأضاف: «يورتشيتش، لما جه مصر بدأ يشوف حاجات غريبة شوية مكنش بيشوفها قبل كده هو بدأ يشوف حاجات مش متعود عليها، فهو حاساس أنه مهما حاول يجتهد إن في حاجات بتوقفه».
وأتم: «ده احساسه اللي وصله مش احنا اللي موصلنله كده، احنا عايشين في الموضوع عارفين حاجات كتير ممكن بتحصل وبتضايقنا كلنا، ده احساسه هو وبيتعامل على أساسه».