«يارب اجمعني بها في الجنة».. خالد الصاوي عن جدل وفاة كلبته: «كنت بعتبرها بنتي»

علق الفنان خالد الصاوي، الجدل الذي أثاره مؤخرًا على مواقع التواصل الاجتماعي بعد نعيه كلبته «كيم»، داعيًا بأن يجمعه الله بها في الجنة «يارب اجمعني بها في الجنة».
وقال الصاوي خلال حواره ببرنامج «كلام الناس» على قناة «Mbc مصر»، الجمعة، إن يعتبر الكلبة «كيم» بمثابة ابنته، مشيرًا إلى أنه لم ينجب.
وأضاف: «دي كانت بنتي، كنت بعتبرها بنتي، أنا مخلفتش، الحمد لله على شيء، كان عندي في وقت من الأوقات 9 كلاب، كيم حبيبة قلبي، الله يرحمها كان عندها القلب، فلازم كانت العين عليها دايمًا».
وتابع: «وفي كلب اسمه ميكي، لما مات قعدت أعيط عليه 3 أيام، لو حد هيفتكر إني كده فرفور براحتك، كنت زمان بضايق جدًا من اللي بيقول إن الكلاب أوفى من البنى آدمين».
وأكمل الصاوي: «لكن رأيي تغير لما اكتشفت إن الإنسان مش حلو أوي كده، وبتاع مصلحته، بينما الكلاب مش كده، ممكن تدخل عشانك خناقة ومستعدة تموت علشانك».
خالد الصاوي يتحدث لأول مرة عن خناقة وفاة كلبته: كنت بعتبرها بنتي وقعدت أعيط 3 أيام.. والإنسان بتاع مصلحته الكلاب لأ.. ياسمين عز: الرحمة تسع كل المخلوقات
يعرض الآن مجانًا على شاهدhttps://t.co/Ddga0AC1c7#كلام_الناس#MBCMASR pic.twitter.com/YemnoOIF8f
— MBC مصر (@mbcmasr) October 18، 2024