بكلمات مؤثرة عن الفقدان.. ميران عبدالوارث تحيي الذكرى السادسة لرحيل والدها

أحيت الفنانة ميران عبدالوارث، الذكرى السادسة لوفاة والدها الفنان أحمد عبدالوراث، الذي رحل عن عالمنا في 15 أكتوبر عام 2018، بكلمات مؤثرة عن لحظات الفراق.
ميران عبدالوارث تتذكر والدها الراحل
وشاركت ميران عبدالوارث، صورة لوالدها الراحل، عبر حسابها الشخصي على «فيسبوك» وعلقت قائلة: «زى الليلة دى من 6 سنين، مكنش جايلى نوم برضه، عشان مكنتش عارفة هصحى أشوفه تانى ولا هتبقى كانت آخر مرة خلاص، كان مجرد إحساس، من قوته افتكرته تهيئات، أو مخاوف، سبحان الله بقالى 6 شهور أو أكتر، مناعتي زى الفل، ضِعفت امبارح، وعييت، كأن مهما تمر السنين، الجسم مسجل أنه في اليوم ده هيتعب، فكل سنة، في نفس اليوم ده، بعيشها من أول وجديد».
وتابعت: «زي الليلة من 6 سنين، فقدت عمود من عواميد تعريفي لنفسي، نصي الثاني والأهم، فهمت يعنى إيه تعب ويعنى وجع ويعنى إيه هم، بس في نفس الوقت زي الليلة دي من 6 سنين، هو راح وجيت أنا، كسر كبير، بس زي ما بيقولوا دخل نور أكبر، لأن مهما كان الوجع، فاللهُ أكبر، أكبر من كل شيء، وهو صاحب كل شيء، وطالما ده اللى قدره، يبقى أنا تمام».
وتابعت: «وفعلًا زي الليلة دى من 6 سنين، حصل أكتر حاجة كنت بخاف منها، وبسببها، تحررت، وعقلي هدي وقلبي ارتاح، عشان اللى كنت طول عمرى ماسكة فيه راح، ففهمت، إنه مش عايزنى أمسك في حد غيره سبحانه، مات الوالد واتولد طفل جديد زي الليلة دى من 6 سنين، فقدت أبويا وعرفت أنا مين، ومن عرفَ نفسه، عرف ربه، اللهم لك الحمد على نعمة الوعي، رحم الله كل احبابنا المسلمين، ارجو الدعاء لوالدي بالرحمة والمغفرة».
وفاة الفنان أحمد عبدالوارث
يذكر أن يوافق اليوم 15 أكتوبر، ذكرى رحيل الفنان أحمد عبدالوارث، الذي توفي بعد صراع مع المرض عن عمر ناهز 71 عاما.
اقرأ أيضًا..
ميران عبدالوارث عن شخصيتها ب«عمر أفندي»: «مش شبهي تمامًا»
ميران عبدالوارث تُعلن موعد انتهاء تصوير مسلسل «عمر أفندي» (صور)