«أنت كان فيه حد يعرفك».. لاعب الزمالك السابق يفتح النار على القندوسي بعد تصريحاته عن الأهلي

فتح لاعب الزمالك السابق رضا العزب النار، على أحمد القندوسي لاعب الأهلي والمعار ل فريق سيراميكا كليوباترا بشأن تصريحاته عن النادي الأهلي، قائلًا: «التصريحات دي متتقالش على النادي الأهلي».
كان القندوسي قد أثار الجدل بتصريحات نارية أمس الأول الخميس، بأن الأهلي يجبر اللاعب الذي سيتعاقد معه على التعامل مع وكلاء بعينهم.
وقال العزب في تصريحات تليفزيونية عبر شاشة النهار: «الأهلي نادي كبير، وأصلا أنت بتتكلم على الأهلي ليه، أنت كان فيه حد يعرفك، أنا مكنتش أعرف الاسم ده غير لما الأهلي اتعاقد معاك».
وأضاف: «الأهلي كسبك اسم وفلوس، أنت ليه بتتكلم دلوقتي لو زي مبتقول بتحب النادي، في الوقت اللي فيه أزمات بخسارة السوبر الإفريقي».
وأكمل لاعب الزمالك السابق: «القندوسي مش لعيب أهلي، هو أخره يلعب سيراميكا أو سموحة، بس أنت مأثبتش وجودك في الأهلي عشان كدة مشاك».
وأردف: «اللعيب اللي زي ده مينفعش يخش النادي الأهلي تاني، أي حد يتكلم على الأهلي بالطريقة دي، لأن شرف لأي حد يلعب في كيان زي ده، الجماهير كانت بتساندك وأنت في سيراميكا».
وأتم رضا العزب تصريحاته قائلًا: «أنت دلوقتي لما تخسر جمهور النادي الأهلي يبقى خسرت أكبر جمهور في أفريقيا ومش هتعرف تلعب في الدوري المصري التاني».