خالد الصاوي: «تماديت في الممنوعات زمان وكنت عايز أموت منغير فضيحة» (فيديو)

تحدث الفنان خالد الصاويل، عن شكل حياته في فترة صعبة مر بها، حين كان مدمنًا للكثير من الممنوعات التي كادت تُفقده حياته.
وقال ضمن تصريحاته مع أنس بوخش في برنامجه «ABtalks»، المُذاع عبر «يوتيوب»، عن الفترة التي قرر فيها إدمان المخدرات والممنوعات: «في فترة معينة، أخدني العالم البديل من العالم الحقيقي، أخذتني الممنوعات أكثر مما ينبغي».
وتابع: «في مرة من المرات، فجأة قلبي كأنه يقفز خارج صدري، بطريقة كأني هموت حالًا، ومشكلتي الكبيرة إني مكنتش عايز أموت على فضيحة، ودخلت بالعافية على السرير، وفضلت ل4 ساعات في السرير، قلبي مش بيهدأ، ولا هموت على السلم، ولا هنزل مستشفيات، ولا هكلم حد، ولجأت ل ربنا وقتها».
واستكمل: «وقولتله سبحانك أنجدني وأنا أغير حياتي، وغفوت 4 دقائق مكملتش 5، وقومت كأني نائم 8 ساعات، وفيه اتجاه جوايا أني أقوم، ولميت الحاجة كلها، وحرقت حاجات، ورميت الباقي، وصليت ونمت شوية صغيرة وقمت لعبت رياضة».
وأضاف: «ومجتش جنب الحاجات اللي بتفكرني بالحاجات دي كلها لمدة طويلة، ودا كان أسوء لحظة ليا، كل حاجة كانت بايظة، والحقيقة إن أنا نفسي كنت السبب الأول واللي بدأت الخطأ، وأهم حاجة إن الشخص يواجه نفسه ويعترف بأخطائه، وأنا قاصد أكشف عن اخطائي عشان أحذر اللي بعدي».