«عيب أوي كمان» .. ريهام سعيد تعتذر لجمهورها بسبب التيك توكرز .. ما القصة؟

وجهت الإعلامية ريهام سعيد، رسالة إعتذار لجمهورها بسبب استضافتها ل التيك توكرز في برنامجها مؤخرًا، موضحة أنها لم تكن تتابعهم وتفاجأت من المحتوى الذي يقدمونه.
ريهام سعيد توجه رسالة لجمهورها بعد استضافتها ل التيك توكرز في برنامجها
وكتبت ريهام سعيد، عبر حسابها الرسمي بموقع «فيسبوك»:«أنا مكنتش بدخل على التيك توك ولا أعرف إللى بيحصل فيه، أنا بعتذر لجمهوري اني استضفت ولو حتي واحد منهم عتابي للإعداد هايكون شديد».
وأضافت: «هي ايه الجولات والفيديوهات إلى على التيك توك إلى كلها ألفاظ قذرة وايحاءت، انتوا مش خايفين تتحبسوا ليه كده ليه بتخلوا شكلنا كده ،انتوا عشرة واحنا 130 مليون احنا شعب عظيم. عيب عيب أوي كمان».
ريهام سعيد تكشف عن تطورات قضيتها مع الطبيب نادر صعب
و في سياق أخر كشفت الإعلامية ريهام سعيد، عن تطورات قضيتها مع طبيب التجميل نادر صعب، كما أوضحت تفاصيل آخر لقاء بينهما.
و قالت ريهام سعيد، في تصريحات ل «et بالعربي»: «بطل يجيلي عروض تمثيل، لأن اللي بيتقال على ريهام سعيد دلوقتي إن وشها بايظ، مبقاش عندي شغف أو طموح عشان أحقق حاجة في التمثيل، بلبس نظارة الشمس طول اليوم مش عاوزة وشي يبان».
وأضافت: «في قضية هو رفعها بتاعة لبنان، أثبت بالصوت وبالمستندات إن ملهوش أي فلوس، والقاضي طلب من الطرف التاني إثبات إن ليه فلوس، أنا متهماه ب 7 تهم وباشكر النيابة المصرية على مجهودها في التحقيقات، فات 8 شهور وأنا منتظرة القضية تنزل جلسة، لما أنشر تقرير الطب الشرعي اللي بيقول إن هو أخطأ بعدها مفيش كلام يقدر يتقال».
و تابعت: «مقدرش أطلع رسائل ما بينا تدينه للإعلام عشان مش مسموح ليا، لكن كل دا مثبوت في النيابة إن اتعملي عملية أنا مطلبتهاش، العملية كانت في الخدين مكنتش في العين، وفي رسالة بقوله أنت ليه جيت جنب عنييا قالي أنا اطريت، وبعد العملية بقيت اشوف كل حاجة اتنين».
و اختتمت: «في آخر لقاء بينا في عيادته أنا انهرت من العياط، مفركش يقولي استني هشوفلك حل، وعاملني بمنتهى القسوة ومراته قالت إني بعمل كده عشان أجيب مشاهده».
اقرأ ايضًا
ريهام سعيد تحذف صورها وتوجه رسالة مؤثرة: «أنت دمرت حياتي»