سارة نخلة توجه رسالة ل ريهام سعيد : «بفتخر بيها» (فيديو)

وجهت الإعلامية سارة نخلة رسالة إلى الإعلامية ريهام سعيد بعد الانتقادات التي تعرضت لها مؤخرا، بعد خضوعها لعملية تجميل فاشلة أثرت على وجهها، مشيرة إلى إنها سبب دخولها المجال الإعلامي.
سارة نخلة عن ريهام سعيد: حبيت الإعلام وإني أكون مذيعة بسببها
وقالت الإعلامية سارة نخلة خلال برنامجها التلفزيوني المذاع عبر قناة هي: بفتخر أقول إن الإعلامية ريهام سعيد زميلتي، أنا حبيت الإعلام وإني أكون مذيعة بسببها، وبفتخر إن احنا الإتنين بنشتغل مع بعض في نفس القناة.
وتابعت سارة نخلة: أنا بحبك وبحب قد ايه أنتي إنسانة متصالحة مع نفسك، وقد إيه أنتي إنسانة صريحة وبتخافي على جمهورك، أنا وشوفت حب الناس ليكي من لما بقيتي معانا في القناة.
سارة نخلة ترد على الانتقادات الموجهه لريهام سعيد
وعن الانتقادات التي تعرضت لها الإعلامية ريهام سعيد حيث قالت سارة نخلة: مش الإعلامية ريهام سعيد بس اللى عملت عملية تجميل، ناس كتير عملت عمليات تجميل وأنتوا متعرفهمش، ليه الجلد وليه نعذبها؟ كفاية اللي هي فيه، ريهام كانت مليانة وخسرت وزن كبير وطبيعي أي بني آدم يخس وشه وجلده يكرمش عارفين كنتوا هتقولوا ايه كنتوا هتقولوا ازاي متهتميش بنفسك ازاي تطلعي كده ع الشاشة وانتي لازم تهتمي بنفسك.
وأضافت: «مهما حصل مينفعش أبرر لدكتور في مشكلة حصلت واحنا شوفناها بعنينا وظاهره لينا وهي شايفة نفسها إنها تشوهت أنا دايما بشوف ريهام حلوة أنا مش شايفة حاجة في خطأ في وشها آه ولكن هي غير راضية عن نفسها واحنا شايفين الاختلاف اللي في وش الإنسانة دي منقدرش ننكر ولكن ده مش مبرر أن الدكتور عمل كده مفيش حاجة اسمها علشان رايحة تلعب في خلقة ربنا ف ده حصل».
وتابعت سارة نخلة: أنا كمان بفكر إني أعمل وأهتم بشكلي لأن شكلي في الأول وفي الآخر قدام كاميرا، ومع ماكياج وإضاءة كل يوم أكيد بشرتنا بتتعب.
اقرأ أيضا:
ريهام سعيد في بث مباشر: «وشي باظ وحواجبي زي الشيطان»
صور صادمة لوجه ريهام سعيد بعد عملية تجميل فاشلة
ريهام سعيد منهاره من البكاء: عملت تجميل عشان كنت بحارب السن عشان أنزل محتاجة أحط 13 كيلو ماكياج