«الشوطة بجونين».. أبوتريكة يكشف سر تألق محمد صلاح وهالاند (فيديو)

قال محمد أبوتريكة، نجم الكرة المصرية السابق، إن إرلينج هالاند نجم مانشستر سيتي في بداية هذا الموسم لعب 3 مباريات ب7 أهداف، فلما تيجي تدي جائزة أحسن لاعب في الشهر الطبيعي، أكيد تديها للنجم النرويجي.
وأضاف أبوتريكة في تصريحات تليفزيونية عبر شاشة «بي إن سبورتس»: «هالاند سجل 2 هاتريك يعني كل ما يشوط كورة على الجون تيجي هدفين مش هدف واحد، يعني الصراحة بدأ كويس».
وأكمل: «محمد صلاح وهالاند بدأو كويس عشان ريحوا في الصيف، ومعندهمش بطولات مجمعة ولا يورو ولا كأس أمم، وبالتالي الاتنين عملوا فترة إعداد كويسة فعشان كده كويسين».
وأردف نجم الكرة المصرية السابق: «عشان الناس اللي بتقولك الروزنامة، هي دي فايدة الراحة بتاعت اللعيبة ويبدأ بداية قوية، مش كل شويه تزودوا بطولات تهلكوا اللعيبة، تستنزفوا اللعيبة وتصيبوا اللعيبة».
وأتم محمد أبوتريكة: «شوف الإصابات في التوقف الدولي، الصراحة حرام، ييجي يقولك نخلي دوري الأبطال بطولة دوري، يا حبيبي انت بتزود الحمل على اللعيبة، هما مش آلات، لما لعيب 60 أو 70 مباراة في الموسم كتير اللعيبة هتستنزف».