محمد العدل عن تصريحات عمرو مصطفى ضد عمرو دياب: «نابعة من عدم التقدير وإحساسه بالظلم»

علق المخرج محمد العدل على تصريحات المحلن عمرو مصطفى الأخيرة عن الفنان عمرو دياب، موضحا أن حديث «مصطفى» نابع من إحساسه بالظلم.
وكتب محمد العدل عبر حسابه على «فيس بوك»: «عمرو مصطفي ملحن كبير وكل تصريحاته الأخيرة وكلامه عن عمرو دياب نابع من فكرة عدم التقدير والإحساس بالظلم».
وأضاف: «محدش ينكر أن عمرو دياب أسطورة وكان ناجح جدا جدا قبل ما يتعاون مع عمرو مصطفي.. لكن كمان عمرو مصطفي طول عمر عمرو دياب الفني وأضاف لعمرو دياب أغاني hits عاشت وهتعيش».
أشار: «أنا مش مع طريقة عمرو مصطفي أكيد لكن كمان مش عاجبني الناس اللي بتقلل منه وبتتعامل معاه على أنه ملحن عادي.. لا عمرو مصطفي مش عادي وكم نجاحاته مع عمرو دياب وغيره مش عادي».
اختتم: «الإنصاف مهم.. الاتنين استفادوا من بعض والاتنين فنانين كبار، والتقدير مهم للفنان.. عشان كدة أنا حاسس بيه».
وكان عمرو مصطفى، قد كتب عبر حسابه الرسمي بموقع «فيسبوك»: «الأغاني اللي عملتها هترجع تاني بصوتي بعد انتهاء مدة حقوقها، فيه أغاني عملتها من سنة 1999، يعني فاضل حوالي عشرين سنة وترجع الحقوق تاني ليا، ووصيتي لأولادي عدم التجديد لأي شخص.. هنبتدي ننزلها من دلوقتي بصوتي، لكن بالكلام متغير وتوزيع جديد تمامًا».
وأضاف: «الأغاني دي هتفضل موجودة بصوتي طول العمر، وأي نسخة بصوت أي مطرب غناها قبل كده هتتمسح تمامًا بعد انتهاء المدة القانونية لها، حنفتح المجال للشباب الجديد إنهم يكتبوا على الألحان دي كلمات جديدة، خلال الخمس أو ست سنين الجايين ده لو في العمر بقية بأذن الله، هكون محضر كل الأغاني اللي عملتها بصوتي مع كتابات شبابية جديدة، ونصيحة للمبدعين أي تصريح لايزيد عن خمس سنوات».
اقرأ أيضًا :
عمرو مصطفى يثير الجدل برسالة غامضة: فيه ناس كانت بتلمع على حساب غيرها