بعد هجوم هنا الزاهد عليه.. هل خسر أحمد فهمي في شباك تذاكر أفلام السينما؟

إيرادات ضعيفة اكتفى بها فيلم عصابة الماكس، بطولة الفنان أحمد فهمي، أمس الخميس، وجنى قرابة 346 ألف جنيه، ليقفز إجمالي إيراداته في 37 ليلة عرض إلى 23 مليونا و160 ألف جنيه.
فيلم عصابة الماكس بطولة أحمد فهمى، لبلبة، روبي، أوس أوس، حاتم صلاح، محمد لطفى وأحمد فهيم، مصطفى بسيط وعدد من ضيوف الشرف، منهم أحمد السقا وصلاح عبدالله وهشام ماجد ومحمد ثروت وحمدي الميرغني وحمو بيكا والفيلم من تأليف أمجد الشرقاوي ورامي على، ومن إخراج حسام سليمان في أولى تجاربه الإخراجية، وإنتاج هشام عبدالخالق.
يأتي ذلك بعد ظهور الفنانة هنا الزاهد طليقة أحمد فهمي ضيفة ببرنامج صاحبة السعادة للإعلامية إسعاد يونس وقالت: «كنت بحب تامر حسني جدًا وأنا صغيرة، لدرجة أنني قصيت شعر عروستي الباربي وعملت حواجب تقيله ليها وسميتها تامر حسني، وأول مرة قابلت فيها تامر حكيتله حكاية عروستي دي، وقولتله انت بالنسبالي عروسة مش فنان، بقى كل ما أعمل حاجه غلط يقولي يلا ياعروسة».
هنا الزاهد بعد انفصالها عن أحمد فهمي: «منزلتش دمعة.. ومش أي حد نصدقه وندخله بيتنا»
وكشفت الفنانة هنا الزاهد عن تفاصيل انفصالها عن الفنان أحمد فهمي، وكيف تخطت تلك التجربة.
وقالت هنا الزاهد: «كنت عمري ما أتخيل حاجة اسمها طلاق، وربنا كان عارف إني مش مؤهلة لحاجة زي دي، وسهلها عليا، والموضوع حصل بالتدريج خلال 8 شهور».
وتابعت: «لو رجع بيا الزمن هخوض التجربة تاني، عشان أنا مكنتش هتعلم غير لما أتخبط جامد عشان أركز في اختياراتي بعد كده، ولكن مش أي حد نصدقه وندخله بيتنا وحياتنا، ومنزلتش دمعة بعد انفصالي وركزت مع نفسي، وقررت أشفى هنا من كل حاجة وإتخطيت وكنت راضية جدا».
منها عدم الإنجاب.. هنا الزاهد تكشف لأول مرة أسباب انفصالها عن أحمد فهمي
وكشفت الفنانة هنا الزاهد عن أسباب انفصالها من الفنان أحمد فهمي، حيث أشارت إلى أن الأمر له عدة أسباب، منها مسألة الإنجاب.