6 تصريحات تسببت في أزمة أحمد شوبير مع «أون تايم سبورتس»

أعلنت الشركة المتحدة للخدمات الإعلامية إنهاء التعاقد مع الإعلامي أحمد شوبير، مقدم برنامج «ملعب أون تايم» المذاع عبر فضائية «أون تايم سبورتس».
وأكدت الشركة المتحدة أن قرار إنهاء التعاقد مع أحمد شوبير، بسبب مخالفة القواعد المهنية وسياسات المحتوى الخاصة بالشركة أمر غير مقبول، فالشركة المتحدة تضع احترام الرأي العام المصري في مقدمة أولوياتها.
وأكد مجلس إدارة الشركة المتحدة أن الفوضى في قطاع الإعلام الرياضي تستلزم مواجهة حاسمة حرصًا على حق المواطن المصري في إعلام رياضي يحترم الحقيقة ويتوخى الصدق.
وأطلق أحمد شوبير، بعض التصريحات في الأيام الماضية سواء عبر قناة «أون تايم سبورتس»، أو إذاعة «أون سبورت إف إم». والتي تسببت في رحيله عن قنوات «أون تايم سبورتس».
وتحدث شوبير، في برنامجيه بالتليفزيون والإذاعة عن بعض الأمور الشخصية والتي كان أبرزها الاتهامات التي وجهت له في أزمة أحمد رفعت، وسوف نستعرض في السطور التالية أبرز تلك التصريحات:
1- «مستمر في موضوع الله يرحمه الكابتن أحمد رفعت، وأول مرة هتكلم بشكل شخصي لأني بقالي 48 ساعة أو أكتر عمال أسمع وأشوف تعليقات وكلام كتير أني من المتسببين في أزمة أحمد رفعت».
2-: «أنا بطالب يا جماعة افتحوا تحقيق شوفوا القصة.. أحمد رفعت، لو ليه حق هياخده، حقه يرجع ده طبيعي جدًا.. عيب الناس تترمي بالباطل وإذا كان حد غلطان يتحاكم ويتحبس».
3-: «كل من تكلم في حقي، ليس أمامي سوى القضاء المصري العادل، هو الفيصل، لأنك ممكن تكون مذيع بتعرف تتكلم كويس وصفحات عاوزه تضحك على الناس وبلا ضمير ليها هدف معين».
4- «أنا قدامي دلوقتي حاجتين، الحاجة الأولى قضاء مصر العادل، لأن كلنا لازم نقف أمامه والمخطئ ياخد عقابه، الحاجة الثاني العبارة الشهيرة (وعند الله تجتمع الخصوم)، لأن الحمد لله الحقيقة ظهرت وبان جدا جدا قدام الناس أيه اللي حصل».
5- عايز أوجه نصيحة، أي حد متضرر من أي حاجة لدينا في مصر قضاء مصر العادل المحترم، لا الشاشة مجال إنك تتكلم وتحكي، عندك السوشيال ميديا الخاصة بيك اتكلم فيها زي ما أنت عايز، إنما الشاشة ملك المشاهد، وبالتالي عندك قضاء ومباحث إنترنت، عندك وسائل كثيرة جدًا لو شعرت بالظلم ولك حق عايز تاخده تقدم ببلاغ في مباحث الانترنت، هو ده الأسلوب الصح، متدخلش نفسك في متاهات مش هتكسب حاجة في الأخر، ليك حق هتاخده ولو عليك حق هيتاخد منك.
6- «بطلب من الدكتور أشرف صبحي: لو سمحت كل الناس أي حد جت سيرته في هذا الموضوع يتم التحقيق معه أي حد اتقال الحرف الأولاني من اسمه سواء عندك أو أمام القضاء أرجو يتم الأمر بسرعة جدا».