«سأتخذ إجراءات قانونية ضد كل من تكلم عني».. شوبير يرد على اتهامات واقعة أحمد رفعت

كشف الإعلامي أحمد شوبير حارس مرمى الأهلي ومنتخب مصر السابق أنه سيتخذ إجراءات قانونية ضد كل من وجه له اتهامات وتحدث عنه في واقعة وفاة لاعب منتخب مصر وفريق فيوتشر الراحل أحمد رفعت.
وقال أحمد شوبير في تصريحات إذاعية اليوم الإثنين: «موضوع الله يرحمه أحمد رفعت هتكلم لأول مرة بشكل شخصي لإني عمري ما اتكلمت في البرنامج بشكل شخصي لإن البرنامج ده بتاع المستمع مش بتاعي لكن أنا بقالي 48 ساعة عمال أسمع بوستات وحكايات وكلام كثير وانا من النوع اللي مش بحب أطلع أدافع عن نفسي كثير فأديني حاجة أقدر أرد عليها وأدافع عنها».
وتابع شوبير: «بس في النهاية بشوف كل الاتهامات دي وعمال أفلتر وبجمعها كلها الحاجات المهمة يعني مش هفضل أجري وراء حملات مسعورة وأدور في الحاجات الصغيرة».
وأضاف شوبير: «وبعد ما أجمع كل شيء هتخذ إجراءاءت قانونية في قضاء مصر العادل ضد كل من تكلم عني وده ضروري ومطلوب فأنا بجمع كل حاجة وقدامي حاجتين: الأولى قضاء مصر العادل لإن لازم كلنا نقف أمام القضاء والمخطيء ياخد حسابه، والحاجة الثانية وعند الله تجتمع الخصوم وهتظهر الحقيقة وهى ظهرت الحمد لله، وأسف لإني أخذت من وقتكم هذه الدقائق الثلاث وكل شيء هيبان في وقته قريب جدا جدا».