«اخترت مصر علشان الناس كتير ومحتاجة فلوس».. نص اعترافات المحرض على جريمة طفل شبرا الخيمة (مستند)

في إبريل الماضي، كشفت النيابة العامة عن تفاصيل قضية هزت الرأي العام، ففي شبرا الخيمة بمحافظة القليوبية عُثر على جثمان «أحمد محمد علي»، طفل عمره 15 عامًا بإحدى الشقق المستأجرة، وقد انتزعت بعض أحشائه وجرى وضعها في كيس مجاور لجثته.
هل يحمل محرض قاتل طفل شبرا الجنسية الكويتية؟
شهدت التحقيقات، اعترافات مثيرة للمتهم الثاني على الدين خالد، وهو محرض المتهم الأول طارق أنور على إنهاء حياة المجني عليه أحمد محمد سعد، المعروف ب«طفل شبرا» من أجل سرقة أعضائه وبيعها.
«المصري اليوم»، تنشر اعترافات المتهم «علي الدين» بالمستندات، فكانت البداية بسؤال النيابة العامة الطفل المتهم عما إذا كان يحمل جنسية دولة الكويت الشقيقة، قرر بأنه مصري الجنسية فقط ولا يحمل جنسية أي دولة أخرى، وقال إن اسمه بالكامل: على الدين محمد على الزيات، وعمره 15 سنة، وهو طالب بالصف الثالث الإعدادي بمدرسة مودرن أكاديمي بدولة الكويت، ومقيم في مدينة حولي شارع العثمان، أمام مستشفى دار الشفا- الدور الثالث- الكويت.
لماذا اختار الطفل المحرض على جريمة قتل طفل شبرا مصر لارتكاب جرائم؟
وفق اعترافات المتهم: «اللي حصل إني أول ما بلغت في 2022 وأنا 13 سنة، حسيت إني مش بنجذب لحاجة، ورغبتي الجنسية مش موجودة، فأنشأت حساب على (فيسبوك) باسم دكتور على عبدالله وخليت ناس كتير تبعتلي صور لأعضاءها الجنسية ولأعضاء أطفال صغيرين، و(فيسبوك) حظر الحساب، وفي 2023 عملت حساب باسم على عبدالله عشان أعمل نفس الموضوع وجبت صور وفيديوهات كتير و(فيسبوك) حظرني تاني، وأنا بحب الفيديوهات والصور العنيفة (Gore Videos)، وكنت بتفرج عليها كتير وبستمتع بيها علشان بتحسسني إني عايش وبستلذ بيها، وعرفت مواقع على الإنترنت المظلم (الدارك ويب) بدخلها ببرامج الحجب ال ip address وعرفت إن كل حاجة ليها سعر، وممكن أعمل فلوس من الفيديوهات والصور ديه، ففكرت السنة دي 2024 إني ابتدي أعمل فيديوهات عنيفة فيها سحب عينات من بني آدمين وتشريح وخنق وضرب لو نفع وأبيعها بعدين على المواقع ديه وأعمل فلوس منها لما أتم السنّ القانونية وأعمل حساب بنكي في الكويت».
ويضيف قائلًا: «بالفعل أنشأت صفحة على (فيسبوك) باسم (علي خالد)- (Ali Khaied) ودخلت على جروبات خاصة بزراعة الكلى في مصر، واخترت مصر بالذات علشان الناس كتير ومحتاجة فلوس وهي بيئة خصبة إني أعمل اللي كان في دماغي، وأستغل حاجة الناس للمال، وعملت منشورات في الجروبات وكان طبيعتها إني محتاج متبرعين من 6 إلى 18 سنة علشان سحب عينات فقط، وتواصل معايا عدة أشخاص وكنت بتواصل مع بعض الأشخاص الراغبين في التبرع، وإجمالي الناس اللي اتكلمت معاهم هم ثمانية».