«حاجات قاسية».. أحمد رفعت يكشف تفاصيل أزمته الصحية لأول مرة (فيديو)

كشف أحمد رفعت، لاعب مودرن فيوتشر، تفاصيل ما حدث خلال أزمته الصحية، والتي تعرض لها خلال مواجهة الاتحاد السكندري ببطولة الدوري.
وتعرض أحمد رفعت لسقوط مفاجئ في أرضية المباراة خلال مباراة مودرن فيوتشر والاتحاد السكندري، شهر مارس الماضي، قبل أن يخوض فترة طويلة من رحلة العلاج، بعد استفاقته.
وقال أحمد رفعت: «إيه اللي حصل؟ حاجة متمنهاش لأي حد، الموضوع كان صعب جدًا على وعلى أهلي، من اللي شفته بعد الاستفاقة. أنا مش باخد حاجة منشطة ولا مكملات».
وأضاف في تصريحات عبر برنامج «الكورة مع فايق»: «قعدت فترة طويلة حوالي 3 أسابيع مش موجود مع حد خالص، مش بتكلم كنت نايم تقريبا، الدكاترة فضلت إني أفضل نائم، لأن مكنش ينفع أفوق غير في وقت معين».
أحمد رفعت: الموضوع كان صعب عليا وعلى أسرتي.. ولحد دلوقتي مش فاكر أي حاجة من الماتش اللي وقعت فيه ولا حتى فاكر كنا بنلاعب مين
يعرض الآن مجانًا على شاهدhttps://t.co/bJvqEFWvoc #الكورة_مع_فايق#رفعت_مع_فايق #MBCMASR2 pic.twitter.com/OGUjDJ75nF
— الكورة مع فايق (@ElKoraMa3Fayek) June 23، 2024
وأكمل: «فوجئت باللي حصل، مش فاكر اللي حصل في الملعب أو اللي حصل في المباراة، من وقتها بقى صعب إني أفتكر لأني قعدت فترة على جهاز تنفس صناعي، معرفش إيه اللي حصل والأسباب».
وتابع: «اتكلمت بعدها مع الدكاترة، من يومين كنت عند الدكتور الخاص بي وبدأ يسألني بعض الأسئلة اللي حصلت وحصل حاجات قاسية صعب تحصل مش للاعب كورة، لكن لإنسان طبيعي».