تخيلوا دلوقتي هي نجمة كبيرة.. تامر حسنى يمازح جمهوره بصورة لفتاة صغيرة تبحث عن رقمه عبر «جوجل»

مازح الفنان تامر حسني جمهوره، بصورة كرتونية لفتاة في سن صغير، تجلس امام «اللاب توب» تبحث عن رقمه الشخصي عبر جوجل للتواصل معه، مشيرا إلى أن هذا الموقف قد حدث معه منذ سنوات طويلة من فتاة صغيرة أصبحت فنانة عربية شهيرة حاليا.
ونشر «تامر» الصورة عبر «إنستجرام»، قائلا :«حلوه دي عجبتني، فكرتني بناس كتير فيكم وهما صغيرين وناس اكتر دلوقتي بتعمل نفس الموضوع بس بطرق تانيه، هل معانا هنا حد عمل كده قبل كده بس بأمانه ولد أو بنت».
وتابع :«افتكر موقف زمان بنت صغيره كلمتني قالتلي انت تامرحسني قولتلها ايوا انا، قالتلي متقلقش والله انا جبت رقمك ومديتوش لحد غير لمدرستي، بس قولتلها مدرستك بس؟ لا اصيله، تخيلوا بقى أن اللي عملت كده دي دلوقتي هي نجمة عربية كبيرة وجميلة ربنا يوفقها دايمًا، بس هقولكوا عليها بعدين»
View this post on Instagram
A post shared by Tamer Hosny (@tamerhosny)
أول تعليق من تامر حسني على منتقدي إعلانه الأخير
علق الفنان تامر حسني على الهجوم الحاد الذي ناله من متابعيه، ورواد مواقع التواصل الاجتماعى بسبب إعلانه الذي شارك فيه لصالح إحدى الشركات الغذائية، المعروض حاليًا ضمن إعلانات رمضان 2024.
وكتب تامر حسني عبر حسابه بموقع «فيس بوك»: «مساء الخير عليكم.. بقالي يومين بتابع اللي بيحصل واحترامًا للجميع.. انا بوضح حاجة بخصوص الاعلان، أولًا، انا على قوة الشركة من سنتين قبل أي احداث وده مش اول اعلان ده ثالث اعلان في عقدي، معلش احياناً الكلام عند بعض الناس بيبقى سهل وتحديداً لما بيكون بدون علم بالعقود وبحيثيات الموضوع كله».
وأضاف: «ثانياً.. انا مضيت على عقد مكتوب فيه أن شيبسي شركة مصرية ولها سجل تجاري ضريبي مصري منفصل والبند قدامكم اهوه لصدق كلامي، ثالثاً.. والاهم لاي حد بيشكك في انتمائي للقضية الفلسطينية هقوله انا من 20 سنة وانا في ضهر القضية ومش كلام واغاني بس لاااااا …. انا روحت بنفسي معبر رفح اثناء الضرب لمساندة اهالينا هناك بأكبر حملة معتقدش في حد هيخاطر بحياته ويروح بنفسه معبر رفح اثناء الضرب مجاملة مثلاً».
واختتم تامر حديثه قائلا: «اخيراً …. انا لما قررت اكون الوجه الاعلاني من سنتين لانه منتج مصري كل المصريين بيحبوه والبطاطس من الفلاحة المصرية وبيتباع في مصر بس واتربينا عليه والاهم أن الشخص البسيط يقدر يشتريه في ظل ظروفنا الاقتصادية واظن ده واضح في الاعلان.. ده كان شعوري الشخصي اتجاه الحملة وانا بمضيها من سنتين عشان كده كان واجب عليا التوضيح للجميع وللّي مش واصلاله الصورة بكل احترام.. وشكراً لكل اللي ردوا عني وهما مغمضين حقيقي انتوا نعمة كبيرة من ربنا الف شكر ورمضان كريم على الجميع».