ربة منزل أمام محكمة الأسرة :«من بخله طلبني في بيت الطاعة عشان ميدفعش نفقة»

«جوزى من يوم ما أتجوزته عايش بالحسابات، ماسك على طول الورقة والقلم في أيده، من كتر اللى بيعمله خلاني متوتره، وبشعر دايما بالنقص وسط قرايبي واخواتى، لو خرجت معاهم بفكر 100 مرة أطلب حاجة أشربها ولا أقول مليش نفس، ومن كتر بخله طلبني فى بيت الطاعة عشان مايدفعش نفقه»، بهذه العبارة بدأت ربة منزل تسرد حكايتها أمام محكمة الأسرة عند نظر دعوى اعتراض على إنذار الطاعة.
أقرأ أيضا : عشرينية أمام محكمة الأسرة: «طردني وسرق فرشي بعد شهر جواز.. والسبب صدمني»
وقالت المدعية أمام محكمة الأسرة : «تزوجت منذ 7سنوات من موظف ينتمي إلى أسرة ميسورة الحال، وعيبه انه بخيل ويرفض الانفاق على أنا وطفليه حتى مصاريف علاجهما وأكلهما وشربهما يبخل فيها»
وأقرأ أيضا: «واحدة لا تكفي».. سيدة أمام محكمة الأسرة: «رجعلي من السفر بزوجة تانية»
وتابعت المدعية: «أنجبت منه طفلين 3سنوات و9 أشهر، والدتى وأشقائى الثلاثة اتكفلوا بمصايرفهما وهو موجود على قيد الحياة، شكلي بقى وحش قدام الجميع قلت أأدبه بعد مشاجرة كبيرة نشأت بيننا وتركت مسكن الزوجية».
وأقرأ أيضا : سيدة أمام «الأسرة»: «بعت دهبي وكسرت 3 شهادات استثمار عشانه.. لكنه خان العشرة» (التفاصيل)
وذكرت:«بعت له أخته على سبيل التهديد بأنني سوف أخذ مصاريفي أنا وطفليه بالقانون، وسوف أقيم عليه دعويي نفقة زوجية وصغار، فعندما علم بذلك أصيب بالارتباك والتوتر وفوجئت به يقيم ضدى دعوى وينذرنى بالطاعة».
زوجة أمام محكمة الأسرة: «طلبنى في الطاعة بعد ماعرف انى هقاضية»
وأوضحت المدعية: «انا أكتر واحدة فاهمة جوزي هو أقام دعوى إنذار بالطاعة أكيد بعد ما حسب إني لو رفعت عليه دعويي النفقة هاخد منه فلوس كتير خصوصا بأن راتبه عالي، أما لو ثبت اني ناشز هيحرمني من النفقة الزوجية».
وافادت المدعية: «كنت أعيش مأساة حقيقية معه، لو حذائي اتقطع أفضل أصلح فيه لحد ما الجزمجي يقولي مش هينفع تاني، حتى ولاده كنت بفضل أصلح في حاجاتهم بسبب بخله».
ربة منزل أمام محكمة الأسرة: «قلت أطلق عشان اخذ معاش أبويا»
وأشارت المدعية أمام محكمة الأسرة: «أنا من أسرة متوسطة الحال، وبعد وفاة والدي فكرت أني أطلق بدل الذل اللي أنا فيه، وأحصل على معاش أبوي واصرف على نفسي أنا وعيالي طلبت منه الطلاق في لحظة غضب قالي مش هتطلق إلا لما تبريني».