«قفلت السكة في وشي».. طارق فؤاد يكشف سبب خلافه مع شيرين عبدالوهاب (فيديو)

كشف المطرب والملحن طارق فؤاد، عن كواليس خلافه مع الفنانة شيرين عبدالوهاب بعدما أغلقت الهاتف في وجهه.
وقال «فؤاد»، خلال حلقة اليوم من برنامج «العرافة» المُعروض على فضائية «النهار»: «الحوار حصل من زمان، وهي صالحتني وأنا لحنت الأغنية ليها وأخدت أحسن أغنية عربية».
وأضاف: «أما قفلت السكة في وشي كان عيد ميلادي وكانت ساعتها أصبحت نجمة كبيرة، صديقي حضر معي عيد الميلاد وقالي أنا رايح أزور شيرين، قلت له خليها تكلمني وتعيد عليا من أجل أن أتباهي بها، وفجأة لقيتها وهو بيكلمها قفلت السكة، ساعتها قلبي اتوجع».
وتابع: «مش شايل منها خالص وبحبها، وكان الموقف بايخ وزعلت واتكسفت، وقولت ممكن كان عندها ظروف، وهي بررت لي بعد ذلك وقالت لي حقك عليا ومش هعمل كدا تاني».
صلح طارق فؤاد وشيرين عبدالوهاب
وعن كواليس الصلح بينهما قال «فؤاد»: «كنا في عيد ميلاد سمو الأميرة سماهر وحسن أبوالسعود كان متخانق مع شيرين في نفس التوقيت برضه، كانت عاملة مشكلة معاه».
وأضاف: «لقيت حد بيغميني من عينيا من ورا وفضلت فترة، وبعد كده بلف لقيتها بتقولي حقك عليا ومش هعمل كده تاني».
وتابع: «هي طيبة وبحب صوتها أوي ولما غنت عيون القلب في الحفلة الأخيرة كانت حاجة تفرح القلب».