قضية مقتل القائد العسكري اليمني في الجيزة.. نص اعترافات المتهمين قبل النطق بالحكم (فيديو)

تتجه الأنظار إلى مقر مجمع محاكم زينهم، الاثنين المقبل، حيث تنطق محكمة جنايات الجيزة، بالحكم في اتهام 3 فتيات وشاب وصبي بحادث قتل اللواء حسن العبيدي، قائد عسكري يمني، في شقته بمحافظة الجيزة.
موعد النطق بالحكم على المتهمين بقتل القائد العسكري اليمني في الجيزة
وكانت «الجنايات»، أحالت أوراق المتهم «رمضان» إلى فضيلة مفتي الجمهورية، لإبداء الرأي الشرعي في إعدامه، وحددت جلسة 1 إبريل المقبل، للنطق بالحكم.
وعُثر على جثة اللواء حسن العبيدي، مدير دائرة التصنيع الحربي بوزارة الدفاع اليمنية، داخل شقته بمنطقة فيصل، منتصف فبراير الماضي. قبل أن تعلن وزارة الداخلية، ضبط 5 أشخاص، بينهم 3 سيدات، وجهت إليهم النيابة العامة تهمة القتل العمد بدافع السرقة بالإكراه، وهتك العرض.
«المصري اليوم»، تنشر تفاصيل القضية وجلسات المحاكمة، واعترافات المتهمين.
المتهمون في القضية، هم: «رمضان.م»، 29 سنة، و«عبدالرحمن. أ» 19 سنة وشهرته عبده عسلية، و«إسراء. ص» 22 سنة وشهرتها «دينا»، و«سهير. ع» 17 سنة وشهرتها «منة»، وقالت النيابة العامة إنهم قتلوا المجني عليه عمدًا مع سبق الإصرار، وسرقوه، بعدما بيّتوا النية وعقدوا العزم المصمم على ذلك، بأن أعدوا لذلك عقارًا مهدئًا وسلاح أبيض «مطواة»، ومشاركة المتهمة «آية. ر» 23 سنة، لإخفائها جزءًا من المسروقات.
أمام «الجنايات»، شرحت الباحث الاجتماعية، أن المتهمين «عبدالرحمن»، و«سهير»، دون السنّ القانونية، ومتزوجين عرفيًا ويقيما في منزل المتهم الأول «رمضان»، مشيرةً إلى أنهما ضحية تفكك أسري.
اعترافات المتهم الأول في قضية قتل القائد اليمني
جاء في اعترافات المتهم الأول «رمضان» أنه صعد لشقة المجني عليه مع المتهم «عبده»، قائلًا: «أنا أول حاجة عملتها مسكته أنا و(عبده) وهجمنا عليه وقمت أنا مطلع «المطواة» من معايا وضربته بها في إيده عشان أمنع أنه يفتح الباب ويستنجد بجيرانه ومسكته من رقبته بس هو عضني في إيدي وبعدها (عبده) مسكه ووقعه على الأرض أنا مسكت إيده الشمال و(عبده) مسك إيده اليمين ربطها في رجله اليمين وأنا ربطت إيده الشمال و(عبده) ربط قماشة على بقه عشان نمنع الراجل إنه يصوت وبعدها أنا خبطته بظهر (المطواة) في نص دماغه وسألته على مفاتيح الخزنة بس هو رفض يقوللي قام (عبده) مقلعه البنطلون وهددناه إن إحنا هنصوره فساعتها قاللي إن مفتاح الخزنة فوق الدولاب ولقيت المفتاح فعلًا فوق الدولاب وفتحت الخزينة وأخذت كل اللي فيها و(عبده) كان قاعد عليه برا عشان الراجل مايتحركش، وبعدها «عبده» قلعه البنطلون وهددناه إن إحنا هنصوره عشان يسكت وعشان كمان يقلنا على مفتاح الخزنة وبعد كده أنا مضربتوش تاني، بس «عبده» هو اللي قعد يضرب فيه».
وأضاف قائلًا: «أنا نزلت الأول وسيبت «إسراء»، و«سهير»، و«عبده» في البيت والمسروقات كلها كانت معاها، وأخذت مفتاح العربية وقولتلهم أول ما إديكم رنة على التليفون تنزلولي بالمسروقات وفعلًا نزلت وعرفت العربية لما دوست على الريموت العربية نورت، فركبتها وإديتهم رنة نزلولي بشنطتين سفر وركبنا العربية وهربنا بيها، وأنا ماكنتش عايز أقتله، بس أكيد الضرب الكتير فيه ده كان ممكن يموته، وأنا كنت عارف إن الضرب ده ممكن يموت الراجل».
اعترافات المتهم الثاني بقتل اللواء حسن العبيدي
قال المتهم «عبده»: «أنا كنت عند (سهير.ع) في بيت أبوها قبل الواقعة بيوم، لقيت (رمضان.م)، و(إسراء.ص)، و(إسراء) قالت أنها تعرفت على شخص ميسور الحال وأنها اتعرفت عليه أعلى كوبري قصر النيل، وأنها راحت معاه بيته في نفس اليوم، وتاني يوم جات (إسراء)، وقالت لنا أن في مصلحة والراجل ده متريش ومعاه فلوس، وقالت إنها متفقة مع المجني عليه أنها هتقابله، وفعلًا اتفقنا كلنا إننا نروح نسرق الراجل واتفقنا أن (سهير) و(إسراء) هيطلعوا الأول إلى زي ما كانوا متفقين مع الراجل، واتفقنا أنهم هيدوله دوا منوم علشان ينام وميقدرش يقاوم، وأنا و(رمضان) نطلع نسرق مع (سهير) و(إسراء)، ونأخد الحاجة على طول وننزل وفعلًا اتحركنا في نفس اليوم على طول ونزلنا روحنا على مكان الشقة».
وأضاف: «أنا و(رمضان) قعدنا على قهوة جنب العمارة، و(سهير) و(إسراء) دخلوا العمارة ونزل المجنى عليه عشان يأخدهم وإحنا فضلنا مستنين أنهم يكلمونا، وفعلًا على حوالى ساعه ومفيش حد اتكلم، ف(رمضان) راح مكلم (إسراء) وقالها إيه الدنيا، قالتله خلاص تمام، فأنا كنت بتكلم مع (رمضان) بقوله هو لو حصل في الأمور أمور هنعمل إيه، قالي متقلقشي الراجل کده کده هيبقى نايم، ولو حصل في الأمور أمور نخلص عليه وهنموته وبعدها مفيش ب 3 دقائق لقيناها نزلت وكلمتنا وفتحتلنا باب العمارة وطلعنا معاها في الأسانسير، ولما طلعنا ودخلنا شفت الراجل كان واقف جنب سهير وماسك إزازة».
وتابع قائلاً: «المجني عليه أول ما شفانا جيه علينا وبدأ يصرخ ويستنجد بالناس، وكان ماسك أوكره الباب وبيحاول يفتحه ف(إسراء) عضته في إيده، وراح (رمضان) مطلع سلاح أبيض من هدومه (مطواه) وقاله بقولك إيه يا حاج فين الفلوس اللي هنا؟!، وحط صوابعه في عين الراجل ومسك السلاح حطه على رقبته وكان بيقوله أنت لو اتكلمت هموتك وراح بعد كده مكتفه من رقبته بكوعه وفضل سحبه من باب الشقه لحد جوه الصالة، وفضل كل ده هو لسه مكتفه من رقبته ولقيت مرة واحدة (إسراء) بتقوللي قلعه البنطلون عشان تصوره، وفعلاً قلعته البنطلون و(إسراء) صورته، ولقيت (رمضان) بيديني سلاح أبيض سكينه من المطبخ وقاللى ميتحركش، وفضلت جنبه ماسك السكينه كنت قاعد على ظهره، فالراجل كان بيحاول يقلب نفسه فانا خبطته بالسكينه غصب عنى في من ورا وفضلت أنا قاعد عليه وكان (رمضان)، و(إسراء)، و(سهير) بيلموا في أي حاجة في الشقة من فلوس ولبس وبرفانات وكان في خزنة بيحاولوا يفتحوها ولما معرفوش (رمضان) جه للراجل عشان ياخد الرقم، وضربه كتير على رأسه كثير لدرجة أن الراجل نزل دم من ودانه ومناخيره لحد ما الراجل من كثر الضرب قالوا المفتاح بطرف الدولاب بتاع أوضه النوم».