عمرو أديب يهاجم خيري رمضان وتامر أمين: «أما تذكر اسم سيادة المستشار تركي الشيخ اذكره باحترام واضح»

رد الإعلامي عمرو أديب على الانتقادات التي وجهت للمطربة الكبيرة نجاة الصغيرة بسبب تكريمها مؤخرًا في حفل توزيع جوائز «joy award» في المملكة العربية السعودية، والانتقادات التي توجه بشكل عام إلى التكريمات التي يحصل عليها الفنانين المصريين في المملكة.
وقال «أديب» عبر حسابه الرسمي بمنصة «إكس»: «الناس اللى في الصوره دي اغلبهم اساطير حيه ده موضوع مفيش عليه خلاف كانوا ضيوف المملكه وتم تكريمهم في حفله جوى. إلا ما شفت حد بلده قالتله انت ازاي بتتكرم في الرياض أو ايه المهانه اللى انت فيها ديه عيب عليك. بيتكرموا في امريكا وبريطانيا وفرنسا والهند والرياض».
وأضاف: «بصراحه مبقتش فاهم الهيستريا لما يتم تكريم قيمه مصريه بيحصل حاله هجوم على القيمه وعالرياض وعلى على موسم الترفيه. يا استاذ خيري رمضان انا اللى كنت على اتصال بالفنانه العظيمه نجاه على مدى 4 شهور كامله علشان نخرج بشكل محترم يتم تكريمها فيه في الرياض العاصمه العربيه الكبيره وتم التكريم على اعلى مستوي».
«حكاية الفلوس مش داخلة دماغي».. خيري رمضان ينتقد ظهور نجاة في السعودية (فيديو)
وتابع: «يا استاذ تامر امين محمد امام حضر واحد من ارقى التكريمات لوالده الزعيم ولم يكن مجرد اسم وصوره واجري. اما ذكر فلسطين فقد سبقه فنان العرب محمد عبده امام المستشار تركى ال شيخ في نفس الحفل ولو سمحت اما تذكر اسم سياده المستشار تركى ال الشيخ اذكره كما نذكر أي مسؤول مصري في مصر بكل احترام واضح».
وختم «أديب»: «يا جماعه في حد عنده رغبه قويه لتسميم العلاقات بصراحه لم يعد ما يحدث مفهوم أو مقبول .اومال لو كانت الناس بتهاجم القامات مش بتكرمهم كنتوا عملتوا ايه مفيش حد رشيد يوقف هذا الجنون المستمر. بصراحه لم اعد افهم السر وراء هذا التصرف المستمر».
الناس اللى في الصوره دي اغلبهم اساطير حيه ده موضوع مفيش عليه خلاف كانوا ضيوف المملكه وتم تكريمهم في حفله جوى. إلا ما شفت حد بلده قالتله انت ازاي بتتكرم في الرياض أو ايه المهانه اللى انت فيها ديه عيب عليك. بيتكرموا في امريكا وبريطانيا وفرنسا والهند والرياض. بصراحه مبقتش فاهم… pic.twitter.com/TWMxw4T62U
— Amr Adib (@Amradib) January 23، 2024