حكاية البكباشى اللى بنى مصر بدون رخصة بناء

حكاية اللى بنى مصر أصله حلوانى حكاية تهلك من الضحك، وإليك حكاية البكباشى اللى بنى مصر بدون رخصة بناء، مجرد مقاول أنفار بدون مؤهلات هندسية بوضع اليد أستولى أرض مصر ومن غير أى أساسات أو خوازيق أو مواد عزل لتسرب المياه الجوفية راح بانى الدور الأول على الرملة، والهبل السذج اللى سكنوا هذا الدور الأول قبل ما يموت مقاول الأنفار البكباشى ناصر من كثرة التدخين فرحوا بشقق تمليك هذا الدور، بعد كده جه صاحب هذا البكباشى واحد أسمر أسمه الصاغ السادات وخد مقاولة الدور التانى وقبل ما يخلص مقاولته فيظ هو كمان ومات مقتول فى حادثة طريق مروعة، ونجى من الحادثة المروعه ديت صبيه واللى كان غاوى يطير طيارات ورق مزركشة وبشطارته خد مقاولة الدور التالت وهو لا مؤاخذه مش دريان إن البيت مبنى على الرملة وكمان بدون أساسات وخوازيق ولا حتى عزل ضد تسرب المياه الجوفية، والبيت أبو 3 أدوار اللى بنوه مقاولين الأنفار التلاتة تصدع وتشرخ وأصبح آيل للسقوط وكل ده أكيد أكيد سببه نقابة المهندسين المصرية واللى هى تحت الحراسة من سنين طويلة زى ما مصر كلها تحت الطوارئ من 30 سنه.....عجبى!
مع خالص تحيات
دكتور مهندس جمال الشربينى
الخبير الدولى لتحليل المشاكل من جذورها