«برافو كولر واللاعبين».. تعليق مثير من شوبير على خسارة الأهلي أمام فلومينينسي

وجه الإعلامي أحمد شوبير حارس مرمى الأهلي ومنتخب مصر السابق الشكر للاعبي الأهلي والمدرب مارسيل كولر عقب الخسارة أمام فلومينينسي البرازيلي بثنائية في نصف نهائي كأس العالم للأندية.
وقال أحمد شوبير في تصريحات إذاعية: «الحقيقة مش هقدر ألوم على اللاعبين ولا أقدر ألوم على كولر مش هقول أول إمبارح كوتش عالمي والنهاردة أقول فاشل، مش هقول إمبارح ده مدرب واو لازم يتجدد له 5 سنيين والنهاردة أقول لأ لازم يمشي».
وتابع شوبير: «أنا هتكلم على المباراة اللي كانت بين بطل أفريقيا وبطل أمريكا الجنوبية والأهلي الحقيقة عمل مباراة رائعة خاصة في الشوط الأول وأضاع فرصا مؤكدة وفي المقابل فلومينينسي جاب كورة في العاضة وكورة في القائم بالشوط الأول وسجل هدفين في الشوط الثاني».
وأوضح شوبير: «طيب أيه اللي حصل في الأهلي إحنا ضيعنا 3 فرص والنتيجة 0-0 وفرصتين والنتيجة 1-0، الأهلي أنت بتنفرد وبتضع الكرة في أيد الحارس حتى بعد ما دخل فيك الهدف الأول وبعدها بدقيقة بيرسي تاو فرصة سهلة جدا يضعها بين يدي الحارس وبعدها طاهر بعد نزوله يحطها في يد الحارس فبرافو لاعبو الأهلي قدموا مباراة جيدة جدا».
وأضاف شوبير: «كمان الحقيقة لسه عندنا مشكلة على الجانب البدني وإنك تخوض مباراة كل 3 أيام، يا جماعة في أوروبا وأمريكا الجنوبية بيلعبوا كل 3 أيام».