«زمن الانتماء انتهى».. شوبير يرد على جدل الجماهير بشأن هوية اللاعبين

شدد الإعلامي أحمد شوبير، حارس مرمى الأهلي ومنتخب مصر السابق، على أن زمن انتماء اللاعبين للأندية قد انتهى في عالم الاحتراف، وبات ليس مقنعًا ما تردده بعض الجماهير حول هوية اللاعبين ما بين أهلاوي وزملكاوي وما إلى ذلك.
وقال أحمد شوبير: «قضية الانتماء الحقيقة مهمة جدا عشان بقت نغمة غريبة بين الجماهير، وموضوع المقارنات بين زمان والآن ده موضوع غير وارد، يعني أنا مثلًا متيم بالست أم كلثوم وأحب أغاني عبدالحليم الطويلة الأغاني دي كانت بتقعد ساعتين، لكن لما تيجي النهاردة تقول للشباب اسمع أم كلثوم ساعتين يقول لك يا راجل، خلاص رتم الحياة إتغير وبقى مزاج الناس أغنية 3 دقائق بالكثير».
وأوضح شوبير: «أنا بربط بده عشان برضه الكورة زمان والانتماء كان غير دلوقتي خالص، يعني أنا مضيت استمارة في النادي الأهلي وخلاص كده تكمل في النادي لآخر العمر، لكن سنة 90 كابتن الجوهري فتح باب الاحتراف والدنيا إتغيرت تماما».
وتابع حارس الأهلي السابق: «متقدرش النهاردة تقول اللاعيب ده أهلاوي ولا زملكاوي زمان كان اللاعب طول عمره في نادي دلوقتي ممكن الدور الأول في الأهلي والدور الثاني في نادي تانين وبعدين أنت يهمك إيه كمشجع إن اللاعب ده أهلاوي ولا زملكاوي الناس متعلمتش يعني إيه احتراف».
وأضاف شوبير: «المفروض اللاعب يخلص فقط للفانلة اللي هو لابسها، ودي قصة مهمة أرجو تدخل عقول الناس المحترف هو اللاعب الذي يؤدي لآخر قطرة عرق بشعار الفانلة التي يرتديها».