فريدة سيف النصر: بتسرق من حد نافعني أوي ومش قادرة أخد قرار.. قولولي أعمل إيه؟

كشفت الفنانة فريدة سيف النصرعن تعرضها للسرقة، من السيدة التي تساعدها في المنزل، مشيرة إلى أنها تعرضت للسرقة لأكثر من مرة، ولكنها لم تستطع اتخاذ أي إجراء ضدها.
وكتبت فريدة سيف النصر، عبر حسابها الرسمي بموقع التواصل الإجتماعى «فيس بوك»،: «أنا بتسرق بقالي شوية حلوين، لما يكون عندك حد نافعك أوي لأن مش أي حد يحب الكلاب، وانت كل شوية حاجات بتتاخد بجد مش هزار وحاجات باينة أوي يعني هدوم مش أي حاجة لازم ينقصوا يتاخدوا على نصين مرتين واختفاء قسري».
أضافت: «ترجع ترمي لك نص فتتخيل انك انت اللي مادورتش وفجأة اختفاء كامل، ده بقى غير مفروشات قسما بالله أطقم كاملة بمخداتها ونظارات إكسسوار جزم أدوات مطبخ كاملة والله العظيم ما بقي في حاجة كاملة خالص أول بأول».
وتابعت: «ومافيش حد تاني بيعمل الحاجات دي خالص عشان تشك في اتنين، أول ما تغير مكان حاجه بحجة النظام اعرف إنها هتاخدها أو تلخبط الأدراج وكله يتكعبل في كله، أما أنا فانشغل في حاجات وحاجتي فعلا تختفي أعمل إيه».
واستكملت: «اواجهها وأنا مابحبش أحرج حد واجرحه ولا أمشيها واحتاس ودول عائلة كاملة نافعاني سواق نظافة ام مني غسيل، ولا اروح عندهم على غفله زي ماقالولي، وطبعا مش ممكن أبدا أعمل كده بس بجد زهقت ومحتارة».
واختتمت «سيف النصر» حديتها قائلة: «سرقة علني وطبعا بيتفتح عليا بالمفتاح وانا في سابع نومه، ومع الأسف بدي الأمان لكل الناس، تعبت والله تعبت حسبي الله ونعم الوكيل، قولولي اعمل إيه؟».
أخر أعمال الفنانة فريدة سيف النصر
يذكر أن آخر أعمال فريدة سيف النصر كان مسلسل «جعفر العمدة»، الذي عرض في رمضان الماضي 2023، بطولة الفنان محمد رمضان وهالة صدقي، زينة، مي كساب، منة فضالي، إيمان العاصي، أحمد داش، منذر ريحانة، عصام السقا، وغيرهم من الفنانين، وذلك بجانب ظهور خاص للفنان بيومي فؤاد الذي ظهر بشخصية والد الفنانة زينة، ومن تأليف وإخراج محمد سامي.