محمد سراج يكشف عن رأي ترافيس سكوت في أزمة حفله في الأهرامات ويكشف مصير الحفل (فيديو)

كشف محمد سراج العضو المنتدب والمدير التنفيذى لشركة «tickets marche»، وهي الشركة المنظمة لحفل مغني الراب الأمريكي ترافيس سكوت في مصر، عن رأي ترافيس سكوت في الأزمة التي تواجه إقامة حفله في الأهرامات.
وأضاف محمد سراج في مداخلة مع الإعلامي عمرو أديب ببرنامج «الحكاية»،: «إحنا معانا تصاريحنا لغاية هذه اللحظة، ولم يصلنا ورق بعكس ذلك، لكن للأسف مش عارفين ندخل الهرم خالص بالمعدات حتى الأن ومفيش أي جديد».
وتابع: «حجزنا ودافعين ثمن الأيام اللي مدخلناش فيها اصلا، وكل جهة واخدة نفس الموقف، فريق ترافيس سكوت كله موجود في مصر من 15 يوم، بندفع عليهم ملايين في الفنادق، والحفلة تكلفت فوق 40 مليون جنيه».
واستكمل: «هندفع ضرائب ملايين، وساعدنا اقتصاد البلد، وبايعين تذاكر بملايين ل 54 بلد، فالناس الأجانب لازم حد يقول لهم تيجوا أو ترجعوا تذاكركم، لو في حد قلقان يوضح لنا سبب قلقه، وإما نتعهد إنه لن يحدث، أو لا نقدر ويطلع لنا جواب إلغاء للحفلة»، مضيفا: «كل يوم ترافيس سكوت يكلمنا، وال CNN بتكلمه عايزين يعرفوا إيه اللي بيحصل، وطلبنا منه عدم الرد، وكل يوم بيسألوه».
محمد سراج يكشف ترافيس سكوت في أزمة حفله
وكشف محمد سراج عن رأي ترافيس سكوت في أزمة حفله: «هو بيقول إنتو بتحاربوا نفسكم، أنا كنت جاي أعمل نقطة فاصلة في تاريخ الترفيه، السياحة بتساعد بكل ما أوتيت من قوة، لكن هي ليست جهة رفض أو قبول».