تحدثت ريم طارق، زوجة حسن شاكوش، من جديد عن أزمتهما، وكشفت المزيد من التفاصيل بشأن اختلافهما وكواليس بشأن قضيتها ضد شاكوش. وظهرت ريم في فيديو عبر حسابها ب«انستجرام»، وقالت فيه إنها تعرضت للعديد من المواقف الصعبة خلال علاقتها مع الفنان حسن شاكوش: «أهل حسن على رأسي بس هم كانوا مهددني، وأنا أثبت دا في محضر في القسم». وأضافت: «والتمكين أنا خدته، ومكنش ينفع أرجع لأن أهله كانوا في البيت، طلعت على القسم وعملت محضر، ورحت النهاردة الصبح البيت عشان معايا تمكين ومفتاح البيت، ولقيت الأمن بيقول لي استاذ حسن مش جوا ومانعرفش إنك اتمكنتي». View this post on Instagram A post shared by Reem tarek (@reemtarek84_) زوجة حسن شاكوش تُعيد الأزمة للواجهة واستكملت ريم: «والنجدة جات لي وهو امتنع عن تنفيذ قرار النيابة وحكم المحكمة وكلم أمن الكامبوند، وقال لهم تطلع على القسم وتروح تشوف لها حل مش هتخش، ولما جت النجدة قالوا له إن هو إمبارح قالهم أنا طلقتها، وهي ملهاش تمكين، وحتى لو طلقني لي شهور عدة 3 شهور، والتمكين مش معناه أني أعيش معه». وتابعت: «هو ممتنع أنه يديني حاجتي، حتى لبسي وورق القائمة والمؤخر، وهو اختلطت عليه الأمور إنه هيعرف يعمل كدة مع مين، أنت جيت عندي وإتجوزتني ليه عشان تداري إيه». وأردفت ريم: «إيه الحاجة اللي كنت بتداريها، الحاجة دي أنا عرفتها، مش عارفة أقول لك إيه بصراحة، لحد دلوقتي محدش سمع أني بقول عنه حاجة، هو طلعني مريضة ومُزورة عمل كل حاجة تغطي على الحاجة اللي عنده اللي مش عايز حد يعرفها اللي أنا بردو عرفتها».