"حاسة إني هموت"| تصريح مثير لريهام سعيد.. وهذه وصيتها للرئيس السيسي

قالت الممثلة والإعلامية ريهام سعيد، أنها تشعر بقرب أجلها، لذلك قررت الابتعاد عن مواقع التواصل الاجتماعي لقضاء أكبر وقت ممكن مع أبنائها.
وكتبت ريهام، عبر حسابها الشخصي على مواقع التواصل الاجتماعي "فيسبوك"، "أقسم بالله كل حرف هكتبه صادق و من قلبي. انا حاسة إن أنا هموت قريب عشان كده هبعد عن السوشال ميديا عشان اقعد مع أولادي أكتر وقت ممكن، خصوصًا ابني الصغير.
وتابعت: "يمكن سحر، يمكن اكتئاب، و يمكن حقيقي، غالبًا إحساس الظلم كان بيقتلني بالبطيء، في يوم من الأيام الدنيا قامت عليه عشان تعلب، أما المعراج و إنكارها عادي"، في إشارة إلى إنكار الإعلامي إبراهيم عيسى برحلة النبي- صلى الله عليه وسلم، للإسراء والمعراج.
واستكملت: "تامر أمين يغلط في الصعايده قاصد أو مش قاصد، يتوقف 3 شهور، لكن أنا اعمل أكبر حملة للسمنة واعالج آلاف من السمنة، وعمليات ببلاش، ويفتروا عليه و يقولوا إني قلت إن ريحتهم و حشة واتوقف سنة!".
واسترسلت ريهام سعيد قائلة: "فتاه المول و لا تحرش و لا نيلة، واجيب فيديو و هي معاه محدش يشوفوا و اتحاكم، و ادفع اللي ورايا و اللي ادامي لسما المصري عشان تتنازل لأن هي اليي زقاها عليه. و غيره و غيره و غيره".
وأردفت: "كفاية إننا عالجنا أعداد مهولة من الشباب من المخدرات، ورحت أماكن خطر جدًا عشان أوعي الناس بدل ما اتكرم الاقي نفسي نايمة في أوضه متر في متر مع تاجرة مخدرات.. والبرنامج يتوقف، أطفال تموت، ومدرسة ذوي الاحتياجات الخاصه اللي فاتحنها تتقفل، وتطلع ريهام أفاقة و كدابة".
وأضافت: "لو فضلت احكي هاحكي كتير، بس أنا موجوعة، و مش قادرة احكي انتوا ظالمين بتمشوا بكلمة من غير ما تشوفوا و لا تفهموا.. عندي كلام كتير اقوله على كمية مواقف فيها ظلم رهيب.. لو مت أنا مش مسامحة.. مش مسامحة أي خد قال عليه كلمة واحدة مش حقيقية أو على السمع.. مش مسامحه أي صحفي كتب عني كلمه ظلم.. مش مسامحة اي واحد كتب كومنت موت بيها أطفال القلب.. كفايه إن أي حاجة الإعلام بيتكلم فيها دلوقتي أنا متكلمة فيها من عشر سنين".
وأكملت: "هانزل قبري مش مسامحه هاني عزب، و لا أيمن سليم، و لا ريم، و لا بسمة، و محمد راضي، وعلاء الكحكي، ووليد مصطفي، و محمود مملوك، و أحمد عبد العزبز، و جورج قرداحي و كتير غيرهم.. مشً مسامحة و لا هسامح.. مش مسامحة اللي بتسحرلي كل شويه.. مش مسامحة حسن شاكوش و اللي عمله في ولادي.. مش مسامحة اي حد ساهم في خراب بيتي و ضياع مجهود سنين، و مش مسامحة أي حد أنا معرفوش ضدي و بيحاربني و أنا مش عارفة.. المهم إني اجهز للقاء ربنا أعوض الصيام واصلي كتير و اتصدق و ادعي"، موجهةً رسالة لجمهورها: "ادعولي انتوا كمان ربنا يغفر لي".
وقالت الإعلامية السابقة: "ريهام بتجيب مشاكل طب وراحت فين المشاكل لما قعدت في البيت؟ ما هو اللي فيه طبع مابيغيروش ولا عشان اليي كانوا بيعملوا المشاكل اتهدوا لما اعتزلت؟ عشان أنا مش علي الشاشة مليش قيمة و مفيش مصلحة! أد ايه الناس وحشه. كلمت ناس كتير يساعدوني احقق حلمي وامثل مش عايزة اقولكوا الرد، و ناس ياما و قفت جنبهم. كل دور اعمله المخرج يقول لي إنه هيكسر الدنيا بس هي ماشية بالشطارة!".
وواصلت حديثها قائلةً: "أنا عايزة أقولكوا إلى اللقاء يمكن لمًا اخف لو عيانة، يمكن لما اتعالج من السحر لو مسحورة، يمكن في الجنه بإذن الله لو مت.. ماتظلموش حد لأن أنا بعد ما تعبت أوي أوي ظلمتوني، أيوه حتى لو ليه أعداء انتوا ساعدتوهم. اخر حاجه هوجحهها للريس انا لو مت وصيتي أولادي يعرفوا انا حققت و عملت ايه لأن أكيد حضرتك مش عارف برضوا.. أنا أولادي اتعذبوا ورايا في المحاكم و القضايا، أنا ابني كان عنده شهرين زارني في السجن، أنا بهدلت أهلي معايا عشان ولا حاجة كنت فاهمة إني هصلح الكون.. أنا أسفة إني نجحت، أنا أسفة إني كنت عايزة كل الناس تعمل خير، أنا أسفة إني معملتش علاقات تسندني جوه أو بره مصر.. خسارة المجهود اللي راح بدون تقدير، لكن أجري باذن الله عند ربنا.. ماتوجعوش حد تاني، إحساس الظلم مميت".
واختتمت: "احنا كنا البرنامج رقم واحد في المشاهدة في الوطن العربي عشر سنين، و السابع علي العالم، و تعبنا أوي أوي أوي أوي.. قدر الله و ما و شاء فعل. حقي عندك يا رب، في الأخر السيرة أهم من السمعة، لان السمعة دي الحاجات اللي بتسمعها و ماشفتهاش، و هي مش حقيقة لكن السيرة دي اللي موجودة في كل بيت فيكي يا مصر، دي سيرة معاملتك للناس و الحاجات اللي ربنا جعلني سبب إني اعملها و هو ده المهم.. بعد ما اموت ماتقولوش دي بتمثل إنها ماتت زي ما كل مره كنت بعيا فيها الصحفيين كانوا بيطلعوني كدابة.. حسبي الله و نعم الوكيل".

اخبار الفناخبار الفنانيناهم الاخبارريهام سعيدسحر ريهام سعيدصريح ريهام سعيدوصية ريهام سعيد للرئيس السيسي