ريهام سعيد: "أنا بتحارب.. وكان نفسي أشوف الريس وأقوله أد ايه اتظلمت"

نشرت الإعلامية ريهام سعيد، منشورا خلال صفحتها الرسمية عبر فيسبوك، تقول من خلاله: "حسبي الله و نعم و الوكيل في كل مفتري و في كل افاق ساهم انه يقضي علي مجهود سنين طويله . حسبي الله ونعم الوكيل في الي اتسبب ان البرنامج يتوقف كذا مره و اطفال تموت. حسبي الله ونعم الوكيل في كل واحد ساهم انه يصدر فكره غلط عني و عن شخصيتي".
وتابعت سعيد،: "حسبي الله و نعم الوكيل في كل واحد جاب سيرتي عشان يشدني لمشكله و اطلع في الاخر بتاعت مشاكل لما يكون ليه رد فعل . . حسبي الله و نعم الوكيل في كل واحد وقفت جنبه و اتخلي عني في وقت شده و عارفاهم بالاسم و مش هانسي . حسبي الله و نعم الوكيل في كل واحد مايعرفنيش و قال كلمه وحشه عني . حسبي الله ونعم الوكيل في كل صحفي كتب خبر في عز ازمتي عشان يقضي علي شغلي و اسمي انا 22 سنه مقراتش كلمه كويسه مع اني حققت نجاح غير مسبوق".
واستكملت: "حسبي الله و نعم الًوكيل في كل واحد كتب بوست شتيمه عن جهل لما سمع و ماشافش المهم ان كل دول فاهمين انهم انتصروا غلطانين انا صحيح اعتزلت لكن انتوا كل يوم يتعرفوني اد ايه انا ناجحه و مهمه و شاطره . عرفتوني قيمه الحياه الحقيقيه و هي العيله و الاولاد وطاعه الله لكن اوعوا تستهونوا بحسبي الله و نعم الوكيل و الله الحق راجع".
وأضافت: "اما بقي الي رماني في السجن ظلم ده حسابه عند ربنا عسير انا سبت ابني عنده شهر من غير رضاعه من غير ما اعمل اي حاجه . انا عملت كتير بس مكنتش مستنيه شكرا بس مكنتش مستنيه برضوا افتري و اذي كده .كتبت الكلام ده لاني تعبت من الافتري الي في كل حته و المصلحنجيه افص ملح و داب و الناس الي كسبت من ورايا ملايين ورموني في الاخر و خربوا بيتي و سرقوا صفحتي الي عليها 15 مليون . لكل الي افتري عليه يا رب تصحي من النوم تلاقي الصراصير ماشيه علي وشك زي ما تكون في قبرك و تفضل محبوس ايام مش عارف النهار من الليل في مكان".
واستطردت: "ان شاء الله يحصل للك زي ما كان بيحصل لي عشان تعرف اني اقوي من اي حد و باذن الله ربنا يعرفك انك ظالم و اني اتعذبت في حياتي بسبب امثالاك جهنم ان شاء الله . عارفه ان معنديش ضهر و لا علاقات و لا نفوذ و لا حد واقف جنبي مع اني وقفت جنب ناس كتير لكن ليه رب اسمه الكريم العادل انا ولا اخدت صور من علي موبايل و لا شتمت تخان و لا خطفت عيال و لا خليت التعلب يعيط انا كنت في منتهي المهنيه و ممثله مجتهده يكفيني فخرا اني عمري ما كذبت و لا كنت بوشين حبيت بلدي اوي دائما كنت بقول الحق يكفيني ان محدش عرف يحقق الي انا حققته من غير وسطه و لا امكانيات".
واختتمت: "انا بتحارب بقالي 6 سنين و لسه بتحارب بشده في كل حته حتي في التمثيل معرفش ليه و من مين . كل مره يموتوني فيهاكنت بقوم عشان اولادي عشان تعبي و عشان الحق يا رب يا رب يا رب اشوف حقي راجع من كل الي ظلمني قبل ما اموت.كان نفسي اشوف الريس و اقول له اد ايه انا اتظلمت و كنت مستنيه اني اتكرم و اشارك اكتر في تعمير البلد . مفيش حاجه كبيره علي ربنا . كل تهمتي اني نجحت انا اسفه".
أخبار الفنالإعلامية ريهام سعيداهم الاخبار