جوري بكر تنتقد غلاء أسعار الساحل الشمالي: «إزازة مياه ب 200 جنيه..دي قلة أدب»

انتقدت الفنانة جوري بكر، غلاء الأسعار في منطقة الساحل الشمالي، مشيرة إلى أنها لا تحب الساحل الشمالي ولكنها تأتي إليه لأن زوجها يحبه.
وقالت «بكر» في فيديو لها عبر خاصية «الأستوري» بحسابها الرسمي بموقع الصور والفيديو «إنستجرام»:«أنا بكره الساحل أو الأصح اللي بيحصل في الساحل، وأنا متضايقة من اللي بيحصل في الساحل، ولولا أن جوزي بيحب يروح هناك مكنتش جيت».
وأضافت:«في قلة أدب في الأسعار، وفيه ناس ممكن تقولي ايه اللي وداكي، بس أنا مضطرة، وأنا الحمد لله راضية بس إيه الأسعار دي».
وتابعت :«أنا أي مكان هدخله مش هيعجبني أسعاره هفضحه على السوشيال ميديا، لأن إنتوا حرفيا بتسرقوا الناس، عشان يومين تلاتة جايين ينبسطوا فيهم فيالا تعالى أستغلك وأطلع كل الفلوس اللي في جيبك، يعني إيه عيل صغير يروح يجيب إزازة مياه ب 200 جنيه، هي مياه من الجنة».
يذكر أن اَخر أعمال الفنانة جوري بكر، مسلسل «جعفر العمدة» الذي عرض ضمن الماراثون الرمضاني الماضي، حيث حققت نجاحاَ كبيراَ بشخصيتها «وداد»، المسلسل بطولة محمد رمضان، زينة، هالة صدقي، إيمان العاصي، مي كساب، أحمد داش، فريدة سيف النصر، طارق النهري، وعدد من النجوم الاَخرين، من تأليف وإخراج محمد سامي.