جوري بكر عن أسعارالساحل الشمالي: «قلة أدب.. وأنتو حرفيا بتسرقوا الناس»

انتقدت الفنانة جوري بكر، غلاء الأسعار بعض الأماكن بمنطقة الساحل الشمالي، وذلك على صفحتها الشخصية عبر خاصية "إستوري" عبر موقع تبادل الصور والفيديوهات "إنستجرام".
مشيرة إلى أن هناك استغلالا في الأسعار بشكل مبالغ فيها، معلقة: أنا مضايقة من اللي بيحصل في الساحل.. ولولا أن جوزي بيحب يروح هناك مكنتش جيت.
وقالت جوري بكر: "أنا بكره الساحل أو الأصح اللي بيحصل في الساحل"
جوري بكر: قلة أدب بتحصل
وتابعت: فيه قلة أدب بتحصل، وفيه ناس قليلة الأدب، وفيه قلة أدب في الأسعار، وفيه ناس ممكن تقولي ايه اللي وداكي، بس أنا مضطرة، وأنا الحمد لله راضية بس إيه الأسعار دي؟!.
وأضافت جوري بكر: "أنا أي مكان هدخله مش هيعجبني أسعاره هفضحه على السوشيال ميديا، لأن إنتوا حرفيا بتسرقوا الناس، عشان يومين تلاتة جايين ينبسطوا فيهم فيالا تعالى أستغلك وأطلع كل الفلوس اللي في جيبك، يعني إيه عيل صغير يروح يجيب إزازة مياه ب 200 جنيه، هي مياه من الجنة !.
آخر أعمال جوري بكر
ومن ناحية أخري شاركت الفنانة جوري بكر في السباق الرمضاني الماضي بمسلسل "جعفر العمدة"، وهو من بطولة كلا من محمد رمضان، هالة صدقي، إيمان العاصي، مي كساب، منة فضالي، وعدد آخر من الفنانين، والعمل من تأليف مهاب طارق ومحمد سامي وإخراج محمد سامي.
أحداث مسلسل جعفر العمدة
تدور الأحداث فى إطار اجتماعى شعبى، حول جعفر العمدة (محمد رمضان) وهو فى العقد الرابع من عمره، ولديه 3 زوجات، ويمتلك شركات للمقاولات ويدخل فى العديد من الصراعات سواء فى عمله أو بعيداً عن العمل، ثم يقابل خلال مشواره "عايدة" (زينة) ويتعرف عليها وتنشأ بينهما قصة مليئة بالمفاجآت، كما يعيش جعفر مأساة تستمر عدة سنوات بعد فقدان ابنه واختطافه من قِبل مجهولين، ولا يعرف إذا ما كان حيًا أو أصابه مكروه.